دزيۋدودان پاريج وليمپياداسىنا ۇپاي ۇلەستىرەتىن سوڭعى جارىس استانادا وتەدى

دزيۋدودان پاريج وليمپياداسىنا ۇپاي ۇلەستىرەتىن سوڭعى جارىس استانادا وتەدى، دەپ حابارلايدى Kazinform.

ق ر ۇلتتىق وليمپيادالىق كوميتەتى ءمالىم ەتكەندەي، حالىقارالىق دزيۋدو فەدەراتسياسى (IJF) 2024-جىلعى سپورت كەستەسىن جاڭارتتى.

ناتيجەسىندە، جاڭارتىلعان كۇنتىزبەگە سايكەس، قازاقستاندا وتەتىن الەمدىك Qazaqstan Barysy Grand Slam 2024 جارىسى الماتى قالاسىنان استانا قالاسىنا اۋىستىرىلعان.

جارىس 10-12- مامىر كۇندەرىنە جوسپارلانعان.

ايتا كەتەرلىگى، بۇل باسەكە 2024-جىلعى پاريج وليمپياداسىنا رەيتينگتىك ۇپاي بەرەتىن سوڭعى Grand Slam جارىسى.

Grand Slam جارىسىنىڭ جەڭىمپازدارى مەن جۇلدەگەرلەرىنە بەرىلەتىن ۇپايلار:

I ورىن - 1000 ۇپاي

II ورىن - 700 ۇپاي

III ورىن - 500 ۇپاي

اۆتور كۇنسۇلتان وتارباي