20:56, 23 - مامىر 2024 | GMT +5
دزيۋدودان الەم بىرىنشىلىگىن قازاقستان ەرلەر قۇراماسى جۇلدەسىز اياقتادى
استانا. KAZINFORM - دزيۋدودان ءابۋ-دابيدە ءوتىپ جاتقان الەم چەمپيوناتىندا قازاقستان ەرلەر قۇراماسى بىردە-ءبىر جۇلدە الا المادى.
ۇلتتىق وليمپيادالىق كوميتەتتىڭ مالىمەتىنشە، بۇگىن تاتاميگە شىققان سپورتشىنىڭ بارلىعى دا جەڭىلىس تاپقان.
اتاپ ايتار بولساق، 100 كەلىگە دەيىنگى سالماقتا باق سىناعان نۇرلىحان شارحان دانيالىق دەنيەل ەيچكە ەسە جىبەردى. 100+ كەلى سالماقتاعى ەراسىل قاجىبايەۆ باحرەيندىك ازامات چوتچايەۆتان جەڭىلدى. 78 كەلىدەگى كاميلا بەرلىقاش ەكىنشى اينالىمدا قىتايلىق سپورتشىعا جول بەردى.
وسىلايشا، قازاقستان قۇراماسى دزيۋدودان الەم بىرىنشىلىگىن 1 قولا مەدالمەن اياقتاپ وتىر. 48 كەلىدەگى ابيبا ءابۋجاقىنوۆا عانا جۇلدەگە ىلىكتى. قالعان سپورتشىلارىمىز تۇگەل جەڭىلدى.
