ديەتولوگ كەڭەسى: ءسۇتتىڭ پايداسى مەن زيانى تۋرالى نە بىلەمىز
استانا. KAZINFORM - ءسۇت - ادامزات تاريحىنداعى ەڭ كونە ءارى ەڭ ماڭىزدى تاعامداردىڭ ءبىرى. ەجەلدەن بەرى ادامدار ءسۇتتى تەك قورەكتىك ءونىم رەتىندە ەمەس، دەنساۋلىق پەن كۇش-قۋاتتىڭ كوزى رەتىندە دە تۇتىنىپ كەلگەن. ءسابيدىڭ العاشقى قورەگى دە - انا ءسۇتى. ۋاقىت وتە كەلە ءسۇتتىڭ پايدالى قاسيەتتەرى عىلىمي تۇرعىدا دالەلدەنىپ، كۇندەلىكتى راتسيوننىڭ ءبىر بولىگىنە اينالدى. ءسۇت پەن ءسۇت ونىمدەرىنىڭ اعزاعا اسەرى تۋرالى ديەتولوگ مارينا مارتاسوۆا ايتىپ بەردى.
ءسۇتتىڭ قۇرامى نەگە پايدالى؟
ماماننىڭ ايتۋىنشا، ءسۇت - ادام اعزاسىنا قاجەتتى كوپتەگەن قۇندى قورەكتىك زاتتاردىڭ كوزى.
ونىڭ ىشىندە:
ساپالى اقۋىز
كالتسي، فوسفور
B12 ،A ،D دارۋمەندەرى
بۇل ەلەمەنتتەر سۇيەك پەن ءتىس ساۋلىعى ءۇشىن، سونداي-اق جۇيكە، بۇلشىقەت جانە يممۋندىق جۇيە ءۇشىن اسا ماڭىزدى.
ءسۇت ونىمدەرىنىڭ اراسىنداعى ەرەكشەلىكتەرى
ءسۇت ونىمدەرىنىڭ بارلىعى پايدالى بولعانىمەن، كەيبىر تۇرلەرىنىڭ ەرەكشە ارتىقشىلىقتارى بار:
ايران - ىشەك ميكروفلوراسىن رەتتەيتىن پرو- جانە پرەبيوتيكتەرگە باي.
ىرىمشىك پەن سۇزبە - جوعارى مولشەردە كالتسي مەن B12 دارۋمەنىن قامتيدى.
يوگۋرت - اقۋىزعا، پايدالى باكتەريالارعا جانە D دارۋمەنىنە باي.
قانشا مولشەردە ءسۇت ءونىمىن تۇتىنۋ كەرەك؟
ديەتولوگتىڭ كەڭەسى بويىنشا، ەرەسەك ادامعا كۇنىنە 1- 2 پورتسيا ءسۇت ءونىمىن تۇتىنۋ جەتكىلىكتى.
مىسالى:
1 ستاقان (250 م ل) ءسۇت
1 ستاقان ايران نەمەسە تابيعي يوگۋرت
100- 150 گ سۇزبە
20- 30 گ قاتتى ىرىمشىك
بۇل نورمالار كالتسيي تاپشىلىعىنىڭ الدىن الىپ، سۇيەك تىندەرىنىڭ بەرىكتىگىن ساقتاۋعا كومەكتەسەدى.
ەرەكشە نازار اۋدارۋى ءتيىس توپتار:
جاسوسپىرىمدەر، جۇكتى جانە بالا ەمىزەتىن ايەلدەر، مەنوپاۋزاداعى ايەلدەر، ەگدە جاستاعى ادامدار.
ءسۇت كىمدەرگە زيان بولۋى مۇمكىن؟
ءسۇت ونىمدەرى بارلىعىنا بىردەي پايدالى بولا بەرمەيدى. كەي جاعدايلاردا ءسۇت اعزاعا كەرى اسەر ەتۋى مۇمكىن:
لاكتوزا جەتكىلىكسىزدىگى (لاكتازانىڭ جەتىسپەۋشىلىگى): ءسۇت قانتىن قورىتا الماۋ
سيىر ءسۇتىنىڭ اقۋىزىنا اللەرگيا
تىتىركەنگەن ىشەك سيندرومى (ت ءى س)
ىشەكتەگى ارتىق باكتەريالدى ءوسۋ سيندرومى (س ءى ب ر)
بۇل جاعدايدا ءسۇت ونىمدەرىنەن باس تارتىپ، بالىق، جاڭعاقتار، تۇقىمدار سياقتى كالتسيگە باي تاعامدارعا كوشۋ ۇسىنىلادى.
ءسۇتتى قاشان ىشۋگە بولادى؟
ەگەر ءسۇت اعزاعا جايلى سىڭسە، ونى تاۋلىكتىڭ كەز كەلگەن ۋاقىتىندا ىشە بەرۋگە بولادى.
الايدا كەشكە جىلى ءسۇت ءىشۋ - ۇيقى الدىندا بوساڭسىتۋ اسەرىن بەرەدى، بۇل اسىرەسە ۇيقىسى تىنىش ەمەس ادامدارعا پايدالى.
ءسۇت ونىمدەرىنىڭ مايلىلىعى بويىنشا ۇسىنىستار
ديەتولوگ مارينا مارتاسوۆا مايلىلىعى ورتاشا ونىمدەردى (2,5- 3,5 پايىز) تۇتىنۋعا كەڭەس بەرەدى.
ال قايماق، كىلەگەي سياقتى جوعارى مايلى ونىمدەردى شەكتەگەن دۇرىس.
ءسۇت پەن ءسۇت ونىمدەرى - كۇندەلىكتى راتسيوننىڭ پايدالى جانە قورەكتىك بولىگى. الايدا ونى مولشەرمەن، اعزانىڭ جەكە ەرەكشەلىكتەرىنە ساي تۇتىنعان ءجون.
بۇعان دەيىن حابارلانعانداي، قوستانايدا التى ءسۇت فەرماسى سالىنىپ جاتىر.
