ديماش قۇدايبەرگەن بارشاعا ۇزاق ءارى باقىتتى ءومىر تىلەدى
استانا. KAZINFORM - ەلىمىزدى الەمگە تانىتىپ جۇرگەن ءانشى ديماش قۇدايبەرگەن الەۋمەتتىك جەلىدەگى پاراقشاسىندا جاڭا فوتولارىمەن ءبولىستى.
- سىزدەرگە ۇزاق ءارى باقىتتى ءومىر تىلەيمىن. بارشاڭىزدى جاقسى كورەمىن، - دەگەن جازبا قالدىرعان جەلىدە ديماش قۇدايبەرگەن.
جازبانىڭ استىنا ديماشتىڭ جانكۇيەرلەرى ىقىلاس ءبىلدىرىپ، جارىسىپ پىكىر قالدىرىپ جاتىر.
ايتا كەتەيىك، ديماش قۇدايبەرگەن بيىل تاعى دا حالىقتىڭ سۇيىكتىسى اتانىپ، ۇزدىك مادەنيەت قايراتكەرى ماراپاتىنا يە بولدى.
سونداي-اق، ديماش قۇدايبەرگەن دۋبايدا بەدەلدى سىيلىقتىڭ لاۋرەاتى اتانعان بولاتىن.
ودان بولەك، ديماش قۇدايبەرگەن دىندەر سەزىنىڭ ىزگى نيەت ەلشىسى بولىپ تاعايىندالدى.
ەسكە سالايىق، ديماش قۇدايبەرگەننىڭ بيىل كۇزدە ەلورداداعى «استانا ارەنا» ستاديونىندا وتكەن كونسەرتىنە 80 ەلدەن 10 مىڭنان استام شەتەلدىك كورەرمەن كەلدى.
ديماشتىڭ جەكە كونتسەرتىن ۇيىمداستىرۋعا 200-دەن استام كاسىپقوي مامان اتسالىسقان. ساحنادا ديماش قۇدايبەرگەنمەن بىرگە ءار ەلدەن كەلگەن 350-دەن استام ادام ونەر كورسەتتى.
