ديماش ايگىلى پلاسيدو دومينگومەن بىرگە ءان شىرقايدى

استانا. KAZINFORM - ديماش قۇدايبەرگەن ۆەتنام استاناسى حانوي قالاسىنا باردى.

بۇل تۋرالى ءانشىنىڭ dimashnews.com سايتىنان ءمالىم بولدى.

نوي باي اۋەجايىندا قازاقستاندىق ونەرپازدى جەرگىلىكتى فان- كلۋبتىڭ جانكۇيەرلەرى قارسى الدى.

ۆەتنامدىق Dears-تىڭ ءبىرى ءتىپتى ديماشتى قازاق تىلىندە قارسى الىپ، قۇتتىقتادى.

ۆەتنام جەرىندەگى كەزدەسۋ ادەتتەگىدەي گۇل شوقتارىمەن جانە ءانشىنىڭ جانكۇيەرلەرىنە بەرگەن قولتاڭباسىمەن ىستىق سەزىمگە تولى بولدى.

6 -شىلدەدە ديماش Sun Symphony Orchestra نىڭ سۇيەمەلدەۋىمەن حو گوم تەاترىنىڭ ساحناسىندا پلاسيدو دومينگو جانە كريستين وپولايسپەن بىرگە ونەر كورسەتەدى.

كونسەرت ۆەتنام استاناسىنىڭ جاڭا مادەني سيمۆولدارىنىڭ ءبىرى حو گوم تەاترىنىڭ ەكىنشى تۋعان كۇنىنە وراي ۇيىمداستىرىلدى.

وسىعان دەيىن قازاقستاندىق ونەرپازدىڭ لارا فابياننىڭ لوندونداعى كونسەرتىندە ارنايى قوناق رەتىندە ونەر كورسەتكەنى تۋرالى جازدىق.