ديماش الماتىدا جانكۇيەرلەرىمەن كەزدەستى
الماتى. قازاقپارات - Almaty Arena كەشەنىندە ديماش قۇدايبەرگەن قازاقستان مەن الەمنىڭ تۇكپىر-تۇكپىرىنەن كەلگەن جانكۇيەرلەرىمەن كەزدەستى.
بۇگىن الماتىدا «Stranger» كونسەرتىنىڭ كينوتەاترلارعا شىعۋىنا وراي ۇيىمداستىرىلاتىن «D and Dears» اتتى فان-كەزدەسۋ ءوتىپ جاتىر. وندا ديماشتىڭ جانكۇيەرلەرى ونەرپازعا تىكەلەي سۇراق قويىپ، ونىڭ شىعارماشىلىعىنا ارنالعان شوۋدى تاماشالادى.
سونداي-اق ەرەكشە كەشتە ساكەن مايعازيەۆ، Sadraddin ،Kesh You توبى، اقبوتا-نۇر، ەرنار اماندىق، داستان ورازبەكوۆ جانە وزگە دە قازاقستاندىق انشىلەر ونەر كورسەتىپ جاتىر.
ۇيىمداستىرۋشىلار مالىمەتىنە سايكەس، فان-كەزدەسۋگە 8 مىڭعا جۋىق ادام جينالعان.
ەسكە سالايىق، 27-مامىردان باستاپ استانادا وتكەن «Stranger» شوۋى ەلىمىزدە العاش رەت كينوتەاترلاردا كورسەتىلەدى.
بۇعان دەيىن ديماشتىڭ بۇگىنگى فان-كەزدەسۋىنە 40 تان استام ەلدەن جانكۇيەرلەر كەلگەنىن جازعانبىز.
وسى ايدا ديماش قۇدايبەرگەن بەلگىلى قازاق اقىنى ءارى جازۋشىسى، قازاق ادەبيەتىنىڭ نەگىزىن سالۋشىلاردىڭ ءبىرى ساكەن سەيفۋلليننىڭ انىنە تۇسىرىلگەن جاڭا بەينەباياننىڭ تۇساۋىن كەستى.
