ديپلوماتتار مەملەكەتتىك ءتىلدى نىعايتۋ ماسەلەسىن تالقىلادى
استانادا ديپلوماتتار مەملەكەتتىك ءتىلدى نىعايتۋ ماسەلەسىن تالقىعا سالدى، - دەپ حابارلايدى س ءى م.
كەزدەسۋ سىرتقى ىستەر مينيسترلىگىندە ءوتىپ، ديپلوماتتار قازاق ءتىلى قوعامىنىڭ پرەزيدەنتى راۋان كەنجەحان ۇلىمەن كەزدەستى.
ءىس-شاراعا س ءى م ەرەكشە تاپسىرمالار جونىندەگى ەلشى، مەملەكەتتىك ءتىل كوميسسياسىنىڭ ءتوراعاسى جالعاس ادىلبايەۆ، «وتانداستار قورى» ك ە ا ق پرەزيدەنتىنىڭ كەڭەسشىسى قالىبەك قوبىلاندين، سىرتقى ساياسي ۆەدومستۆوسىنىڭ قۇرىلىمدىق بولىمشەلەرىنىڭ باسشىلارى مەن قىزمەتكەرلەرى قاتىستى.
جيىندا جالعاس ادىلبايەۆ سىرتقى ىستەر مينيسترلىگىندە مەملەكەتتىك ءتىلدىڭ قولدانىس اياسىن كەڭەيتۋ باعىتىندا اتقارىلىپ جاتقان جۇمىستارعا توقتالدى. سونداي-اق، ول مينيسترلىك قىزمەتكەرلەرىنىڭ مەملەكەتتىك ءتىلدى ءبىلۋى باستى نازاردا ەكەنىن مالىمدەدى.
راۋان كەنجەحان ۇلى حالىقارالىق «قازاق ءتىلى» قوعامىنىڭ جۇمىسى مەن پرەزيدەنت قاسىم-جومارت توقايەۆتىڭ تاپسىرماسى تۋرالى كەڭىنەن اقپارات بەردى.
وتىرىستا سىرتقى ىستەر سالاسىنداعى مەملەكەتتىك ءتىلدىڭ قولدانىس اياسىن كەڭەيتۋ بويىنشا وزەكتى ۇسىنىستار ايتىلىپ، كەلەلى وي-پىكىرلەر ورتاعا سالىندى.
كەزدەسۋ سوڭىندا قازاق ءتىلى قوعامىنىڭ پرەزيدەنتى قاتىسۋشىلاردىڭ سۇراقتارىنا ەگجەي-تەگجەيلى جاۋاپ بەردى.
