15:11, 26 - قىركۇيەك 2023 | GMT +5
ديانا تاسجانوۆا جۇزۋدەن ازيا ويىندارىنىڭ فينالىنا شىقتى
حانجوۋدا ءوتىپ جاتقان 2022-جىلعى ازيا ويىندارىنىڭ جۇزۋدەن ىرىكتەۋ سايىستارىنا قازاقستاندىق سپورتشىلار كسەنيا يگناتوۆا، ديانا تاسجانوۆا مەن سوفيا سپودارەنكو قاتىستى، دەپ حابارلايدى قازاقپارات ح و ك رەسمي سايتىنا سىلتەمە جاساپ.

قازاقستان كومانداسىنىڭ وكىلدەرى تومەندەگىدەي ناتيجە كورسەتتى:
- ديانا تاسجانوۆا ەركىن ستيل بويىنشا 400 مەتر قاشىقتىقتى 4:13.47 ۋاقىتتا ءجۇزىپ ءوتتى. ول ءتورتىنشى بولىپ فينالعا شىعىپ، قازاقستاننىڭ جاڭا رەكوردىن ورناتتى.
- كسەنيا يگناتوۆا 200 مەترگە شالقالاي جۇزۋدە 2:14.98 ناتيجەسىن كورسەتىپ، جەتىنشى ورىنمەن فينالعا شىقتى.
- سوفيا سپودارەنكو 100 مەتردى ەركىن ءتاسىل بويىنشا 57,16 سەكۋندتا ءجۇزىپ ءوتىپ، 11-ورىن يەلەندى.
فينال سايىستارى كەشكى 17:30 دا باستالادى.