ديانا جۇماعۇلوۆا ازيا چەمپيوناتىندا ءتورتىنشى مەدالىن جەڭىپ الدى

استانا. KAZINFORM - فيليپپيننىڭ نيۋ-كلارك-سيتي قالاسىندا سۋ سپورتى تۇرلەرىنەن ءوتىپ جاتقان XI ازيا چەمپيوناتىندا قازاقستان قۇراماسىنىڭ سپورتشىسى ديانا جۇماعۇلوۆا ءتورتىنشى مەدالىن جەڭىپ الدى.

ناقتىراق ايتساق، بۇگىن وتانداسىمىز 7 مەتر تۇعىردان سەكىرۋدە كۇمىس جۇلدەگە قول جەتكىزدى.

بۇعان دەيىن 19 جاستاعى اتلەت جەكەلەي سىندا قولا، انابەللا كوچكينامەن بىرگە جۇپتىق سايىستا التىن جانە كۇمىس جۇلدە يەلەنگەن بولاتىن.

بۇگىن وتانداسىمىز ءتورتىنشى جۇلدەسىن قانجىعاعا بايلادى.

سۋعا سەكىرۋ. قىزدار. ا توبى. 7 مەتر تۇعىر:

جاپونيا سپورتشىسى - 332.75 ۇپاي

ديانا جۇماعۇلوۆا - 255.35 ۇپاي

ۆەتنام سپورتشىسى - 254.15 ۇپاي.

ەستەرىڭىزگە سالا كەتەيىك، كەشە سۋ سپورتى تۇرلەرىنىڭ ءجۇزۋ تۇرىنەن باسەكە اياقتالعان بولاتىن. سۋ سپورتىنىڭ بۇل تۇرىنەن قازاقستان قۇراماسى 20 التىن، 11 كۇمىس، 5 قولا جۇلدەمەن جالپىكوماندالىق ەسەپتە ەكىنشى ورىنعا يە بولىپ، تاريحي جەتىستىككە جەتكەنىن جازعان بولاتىنبىز.

اۆتور كۇنسۇلتان وتارباي