دوردوي بازارىندا جەمقورلىق سحەماسىن جاساپ العان 5 سالىق قىزمەتكەرى ۇستالدى

«دوردوي» ساۋدا-بازار كەشەنىندە سالىق جيناۋعا جاۋاپتى مەملەكەتتىك سالىق قىزمەتىنىڭ 5 قىزمەتكەرى ۇستالىپ، ۋاقىتشا يزولياتورعا قامالدى.

Kazinform بۇل تۋرالى قىرعىز رەسپۋبليكاسى ۇلتتىق قاۋىپسىزدىك مەملەكەتتىك كوميتەتىنىڭ باسپا ءسوز ورتالىعىنا سىلتەمە جاساپ حابارلايدى.

ۆەدومستۆونىڭ مالىمەتىنشە، سالىق قىزمەتكەرلەرى بايۋ ماقساتىندا «دوردوي» ساۋدا ويىن- ساۋىق كەشەنى كاسىپكەرلەرىنىڭ سالىق تولەۋدەن جالتارۋ بويىنشا سىبايلاس جەمقورلىق سحەماسىن ۇيىمداستىرىپ، كەيىننەن بۇل سالىق رەفورماسىن جۇزەگە اسىرۋعا كەرى اسەرىن تيگىزگەن.

ولار سىبايلاس جەمقورلىق سحەماسىمەن 5-6 جىل بويى جۇمىس ىستەپ، مەملەكەتتىك سالىق قىزمەتىنىڭ لاۋازىمدى تۇلعالارى كورسەتكەن قىزمەتى ءۇشىن جالتارۋدىڭ ءار فاكتىسىنە اقشالاي سىياقى الىپ وتىرعان.

«دوردوي» ساۋدا ويىن- ساۋىق كەشەنىنىڭ ءبىر بازارىنىڭ اۋماعىندا 600-دەن استام ساۋدا ورنى بولسا، سونىڭ ىشىندە تەك 400 كاسىپكەردەن سالىق تۇسكەن.

قازىرگى ۋاقىتتا اتالعان ىسكە قاتىسى بار باسقا لاۋازىمدى تۇلعالاردى انىقتاۋ، سونداي- اق مەملەكەتكە كەلگەن شىعىن كولەمىن انىقتاۋ بويىنشا ءتيىستى تەرگەۋ ءجۇرىپ جاتىر.

بۇعان دەيىن قىرعىزستاندا قامشى كولبايەۆپەن جانە رايىمبەك ماترايموۆتىڭ مافياسىمەن جاسىرىن بايلانىستا بولعان ءتۇرلى دارەجەدەگى 226-دان استام مەملەكەتتىك قىزمەتكەر اشكەرەلەنىپ، ونىڭ 180-نەن استامى قىزمەتىنەن شەتتەتىلگەن ەدى.
اۆتور
زارينا تۋعانبايەۆا