21:43, 02 - مامىر 2025 | GMT +5
دونالد ترامپتىڭ كەڭەسشىسى مايك ۋولتتس قىزمەتىنەن كەتتى
استانا. قازاقپارات – ا ق ش پرەزيدەنتى دونالد ترامپ ۇلتتىق قاۋىپسىزدىك جونىندەگى كەڭەسشىسى مايك ۋولتتستى قىزمەتىنەن بوساتتى.
ەندى ول قۇراما شتاتتارىنىڭ ب ۇ ۇ- داعى وكىلى بولادى. ۋولتتس امەريكانىڭ قۇپيا جوسپارى تالقىلانعان چاتقا Atlantic جۋرنالىنىڭ باس رەداكتورىن قاتەلەسىپ قوسىپ جىبەرىپ، داۋعا ىلىككەن ەدى. وندا يەمەندەگى حۋسيتتەرگە قارسى اسكەري وپەراتسيا باستاۋ تۋرالى ءسوز بولعان.
ترامپ ونى ب ۇ ۇ- داعى ەلشى قىزمەتىنە ۇسىناتىنىن اتاپ ءوتتى. ونىڭ مىندەتىن ازىرگە مەملەكەتتىك حاتشى ماركو رۋبيو اتقارادى. مايك ۋولتتس - دونالد ترامپتىڭ جاڭا اكىمشىلىگىنەن كەتكەن جوعارى لاۋازىمدى العاشقى تۇلعا.
