دونالد ترامپقا يللينويس شتاتىنداعى پرايمەريزگە قاتىسۋعا تىيىم سالىندى

استانا. KAZINFORM - سارسەنبىدە يللينويس شتاتىنىڭ سۋدياسى ا ق ش- تىڭ كاپيتوليىن باسىپ الۋ وقيعاسىن العا تارتىپ، رەسپۋبليكالىق پارتيانىڭ باستاپقى سايلاۋىندا بۇرىنعى پرەزيدەنت دونالد ترامپتى شتاتتىڭ نەگىزگى سايلاۋ بيۋللەتەنىنەن الىپ تاستاۋ كەرەك دەپ شەشتى.

شەشىمدى كۋك وكرۋگىنىڭ ايماقتىق سوتى شىعاردى. يللينويستاعى پرايمەريز 19- ناۋرىزعا جوسپارلانعان.

سۋديا ترەيسي پورتەردىڭ قاۋلىسىندا جازىلعانداي، 2021-جىلعى 6- قاڭتارداعى كوتەرىلىسكە قاتىسۋىنا بايلانىستى ونىڭ ەسىمى داۋىس بەرۋ بيۋللەتەنىنەن الىنىپ تاستالۋى كەرەك.

ترامپتىڭ سايلاۋالدى شتابى بۇل شەشىمدى سىنعا الدى، ونى «كونستيتۋتسياعا قايشى» دەپ سانايدى جانە وعان شاعىمدانۋعا نيەتتى. سۋديا پورتەر سونداي-اق دەموكراتيالىق پارتيانىڭ مۇشەسى بولعاندىقتان شەشىمىن ءبىرجاقتى شىعاردى دەپ ايىپتالدى.

يللينويس - دونالد ترامپتىڭ باستاپقى سايلاۋعا قاتىسۋىنا تىيىم سالعان ءۇشىنشى شتات. بۇعان دەيىن وسىنداي قاۋلىلار كولورادو مەن مەن شتاتتارىندا شىعارىلعان.

ءاربىر جاعدايدا كونستيتۋتسيانىڭ 14-تارماعىنا سىلتەمە جاسالدى، وعان سايكەس كونستيتۋتسياعا انت بەرگەن جانە «بۇلىكپەن اينالىسقان» ادام مەملەكەتتىك قىزمەت اتقارا المايدى. وندا بۇل ەرەجەنىڭ پرەزيدەنتتەرگە قاتىسى بار-جوعى كورسەتىلمەگەن.

كۋك وكرۋگىنە چيكاگو قالاسى كىرەدى، ول - يللينويس شتاتىنداعى حالىق ەڭ كوپ قونىستانعان ايماق.

ا ق ش- تاعى سايلاۋ 2024-جىلدىڭ 5- قاراشاسىنا بەلگىلەنگەن. دونالد ترامپ نيەۆادا، ايوۆا، نيۋ-گەمپشير جانە ۆيرگين ارالدارىندا وتكەن ىشكى پارتيالىق سايلاۋدا سەنىمدى تۇردە جەڭىسكە جەتتى. كەشە ا ق ش پرەزيدەنتى دجو بايدەن مەن ترامپتىڭ ميچيگانداعى پرايمەريزدە جەڭىسكە جەتكەنى بەلگىلى بولدى.