دونالد ترامپ نەگىزگى جەتى شتاتتاعى سايلاۋالدى جارىستا دجو بايدەننەن الدا كەلەدى
Bloomberg جاڭا ساۋالناماسى ا ق ش- تىڭ بۇرىنعى پرەزيدەنتى دونالد ترامپ 2024-جىلعى سايلاۋالدى جارىستا جەتى نەگىزگى شتاتتا دجو بايدەننەن الدا كەلە جاتقانىن كورسەتتى.
بۇل تۋرالى Kazinform ءتىلشىسى USA Today باسىلىمىنا سىلتەمە جاساپ حابارلايدى.
بەيسەنبى كۇنى جاريالانعان Bloomberg News/Morning Consult Pro ساۋالناماسى دونالد ترامپ سولتۇستىك كارولينا (11 پۋنك بويىنشا)، دجوردجيا (7 پۋنكت بويىنشا)، ۆيسكونسين (6 پۋنكت بويىنشا)، نيەۆادا (5 پۋنكت بويىنشا)، ميچيگان (4 پۋنكت بويىنشا)، اريزونا (3 پۋنكت بويىنشا) جانە پەنسيلۆانيادا (ءبىر پۋنكت بويىنشا) دجو بايدەننەن وزىپ كەلە جاتقانىن كورسەتتى.
سونداي- اق ساۋالناما ءار شتاتتاعى توعىز سايلاۋشىنىڭ التاۋى 2024-جىلى كىمگە داۋىس بەرەتىنى تۋرالى شەشىم قابىلداعاندا ۇمىتكەرلەردىڭ ەكونوميكا مەن دەنساۋلىق ساقتاۋ سالاسىنداعى ماقساتىنا باسا نازار نازار اۋداراتىنىن كورسەتتى.
دونالد ترامپ ەكونوميكا بويىنشا كوش باستاپ كەلە جاتقانىمەن، دجو بايدەن نەگىزگى جەتى شتاتتىڭ بەسەۋىندە بۇرىنعى پرەزيدەنتتەن دەنساۋلىق ساقتاۋ بويىنشا الدا كەلەدى.
ساۋالناما 27-قاراشا مەن 6-جەلتوقسان ارالىعىندا جۇرگىزىلدى جانە ستاتيستيكالىق قاتەلىك كورسەتكىشى پليۋس- مينۋس %3 شاماسىندا.
ا ق ش- تاعى سايلاۋ 2024-جىلعى 5-قاراشاعا جوسپارلانعانىن ەسكە سالا كەتەيىك.
دونالد ترامپقا سايلاۋعا قاتىسۋعا رۇقسات بەرىلدى.
اۆتور
بالنۇر قوجاگەلدى
