دونالد ترامپ الاياقتىق جاسادى دەپ تانىلدى

 نيۋ-يورك سۋدياسى دونالد ترامپ پەن ونىڭ ۇلدارىن الاياقتىق بويىنشا كىنالى دەپ تانىدى. ترامپتار 10 جىلعا جۋىق ۋاقىت جالعان قارجىلىق ەسەپتەر بەرىپ كەلگەن. 

дональд трамп
Фото: pixabay.com.

وتباسىلىق - Trump Organization كومپانياسىنىڭ بيزنەس سەرتيفيكاتى توقتاتىلاتىن بولدى. قازاقپارات بۇل تۋرالى CNN- گە سىلتەمە جاساپ حابارلايدى.

سۋديا ارتۋر ەنگوروننىڭ ۇكىمى نيۋ-يورك باس پروكۋراتۋراسى مەن ا ق ش-تىڭ بۇرىنعى پرەزيدەنتىنە قاتىستى ازاماتتىق ءىستىڭ سوتقا جولدانۋىنا بىرنەشە كۇن قالعاندا شىقتى.

ەنگورون باس پروكۋروردىڭ سو ۇكىمىن جەڭىلدەتىلگەن تارتىپتە شىعارۋ تۋرالى ءوتىنىشىن قاناعاتتاندىرىپ، ترامپ، ونىڭ ۇلدارى جانە باسقا تۇلعالاردىڭ نيۋ-يورك شتاتىنىڭ زاڭىن «جۇيەلى تۇردە بۇزعانى ءۇشىن زاڭدى جاۋاپتى» دەپ تاپتى.

ول سونداي-اق ترامپ وتباسىنىڭ نەسيە بەرۋشىلەر مەن ساقتاندىرۋشىلارعا ون جىل بويى بەرگەن قارجىلىق ەسەپتەرىنىڭ جالعان ەكەنىن انىقتاپ، ولاردىڭ تالاي رەت الاياقتىق جاساعانىن ءمالىم ەتتى.

بۇل شەشىم قارجىلىق ەسەپتەردە گولف الاڭدارى، قوناقۇيلەر، مار-ا-لاگو جانە سيەۆەن-سپرينگستەگى ۇيلەرىنىڭ قۇنىن كوتەرمەگەنى تۋرالى دونالد ترامپتىڭ مالىمدەمەلەرىن تولىعىمەن جوققا شىعاردى.

باس پروكۋرور ترامپ وتباسىنىڭ 250 ميلليون دوللار كولەمىندە وتەماقى تولەۋىن، نيۋ-يوركتە جوعارى لاۋازىمدى قىزمەتتە جۇمىس ىستەۋىنە جانە كومپانياعا بەس جىل بويى كاسىپكەرلىك قىزمەتكە قاتىسۋعا تىيىم سالۋ جازاسىن بەرۋدى تالاپ ەتتى.

سۋديا بۇل ءىس بويىنشا جاۋاپكەر ترامپ كومپانيالارىنىڭ، سونىڭ ىشىندە Trump Organization-تىڭ بيزنەس سەرتيفيكاتتارىن قايتارىپ الدى جانە كورپوراتيۆتىك قۇرىلىمداردى «تاراتۋ» ءۇشىن قابىلداۋشى تاعايىندالاتىنىن ايتتى. سوتقا نيۋ-يوركتەگى جىلجىمايتىن مۇلىكتىڭ ەكى نىسانى قاتىستى: ۋولل-ستريت 40 مەكەنجايىنداعى كوممەرتسيالىق مۇنارا جانە ترامپ وتباسىنىڭ سيەۆەن-سپرينگستەگى كەشەنى.

سوڭعى جاڭالىقتار