13:26, 29 - قاراشا 2024 | GMT +6
دوللار باعامىنىڭ وزگەرۋى يمپورت تاۋارلارى قۇنىنا اسەر ەتۋى مۇمكىن - ۇلتتىق بانك
استانا. KAZINFORM - ۇلتتىق بانك ءتوراعاسى تيمۋر سۇلەيمەنوۆ دوللار باعامىنىڭ وزگەرۋى يمپورت تاۋارلارى قۇنىنا قاتىستى پىكىر ايتتى.
«ءبىز رەاليستپىز. دوللار باعامىنىڭ وزگەرۋى باسقا ەلدەردەن اكەلىنەتىن تاۋارلاردىڭ قۇنىنا اسەر ەتۋى مۇمكىن ەكەنىن بىلەمىز. ءبىراق، ازىق- تۇلىكتى وزىمىزدە قامتاماسىز ەتىلگەن تاۋارلاردىڭ قاتارىنا جاتقىزار ەدىم. سوندىقتان باعانىڭ وزگەرۋىن كۇتپەيمىن»، - دەدى تيمۋر سۇلەيمەنوۆ ۇلتتىق بانكىدە وتكەن باسپا ءسوز ءماسليحاتىندا.
بۇگىن ۇلتتىق بانك بازالىق مولشەرلەمەنى %15,25 عا دەيىن كوتەردى.
ايتا كەتەيىك، بۇگىن استانا مەن الماتى قالالارىنداعى اقشا ايىرباستاۋ پۋنكتتەرىندە دوللار 507 - 517 تەڭگەدەن ساۋدالانىپ جاتىر.
