دوللار باعامى نەلىكتەن قۇلدىرادى - سۇلەيمەنوۆ سەبەبىن اتادى
استانا. KAZINFORM - ۇلتتىق بانك ءتوراعاسى تيمۋر سۇلەيمەنوۆ دوللار باعامىنىڭ قۇلدىراۋ سەبەبىن اتادى.
- قازاقستاننىڭ نەگىزگى ەكسپورتتىق تارماعى - باعاسى ءوسىپ كەلە جاتقان مۇناي جانە ول ەكسپورتتىق ءتۇسىمنىڭ 50 پايىزدان استامى. كولەم سول كۇيىندە قالعانىمەن باعا ءوسىپ جاتىر، ەكسپورتتىق ءتۇسىم كولەمى دە ارتا ءتۇستى، - دەدى ۇلتتىق بانك ءتوراعاسى ءماجىلىستىڭ جالپى وتىرىسىنان كەيىنگى بريفينگىدە.
وسى رەتتە ب ا ق وكىلدەرى ودان دوللار باعامى قۇلدىراۋى اياسىندا ۇلتتىق قور قانشالىق شىعىنعا ۇشىراعانىن جانە قاراجاتىن دوللارمەن ساقتاپ وتىرعان وتانداستارىنا قانداي كەڭەس بەرەرىن سۇراعان ەدى.
- ۇلتتىق قور جوعالتۋى نەمەسە جوعالتپاۋى مۇمكىن ەمەس. ويتكەنى ۇلتىق قوردىڭ ۆاليۋتالىق بولىگىنە قارايمىز. ول دوللارمەن ساقتالعان. ءبىز ينۆەستيتسيالىق كەڭەس بەرە المايمىز، - دەدى تيمۋر سۇلەيمەنوۆ.
بۇعان دەيىن 2025 -جىلدىڭ باسىنان بەرى ۇلتتىق قوردىڭ اكتيۆتەرى ەكى رەت ايتارلىقتاي ازايىپ، قايتا تولىسقانىن جازعان ەدىك.
