دوڭگەلەكتىڭ جەلىن ءجيى تەكسەرىپ تۇرۋ كەرەك. نەگە؟
كولىكتىڭ دوڭگەلەگى مەحانيزمدەگى ەڭ باستى قۇرىلىم. تەمىر تۇلپاردىڭ ءجۇرىس بولىگىندەگى اقاۋدىڭ ارتى اپاتقا اپارۋى مۇمكىن.

سوندىقتان كولىگىڭىزدىڭ 4 دوڭگەلەگىن سايلاپ الماي جولعا شىعۋدان اۋلاق بولىڭىز. ءجۇرىس بولىگىنە سەنىمدى بولساڭىز دا، دوڭگەلەكتىڭ جەلىن ءجيى تەكسەرىپ تۇرۋ قاجەت، - دەپ حابارلايدى قازاقپارات.
بۇرىلىس كەزىندە اۋىپ كەتۋىڭىز مۇمكىن
دوڭگەلەكتىڭ جەلىن تەكسەرۋگە كوپ جاعدايدا ەرىنىپ قالامىز. الدا اۋا-رايىنىڭ قولايسىز ۋاقىتتارى كەلە جاتقاندىقتان بۇل وتە ماڭىزدى. 4 دوڭگەلەگىڭىزدىڭ جەلى 4 ءتۇرلى بولۋىنا بولمايدى. بۇل كولىكتىڭ ءجۇرىسىن وزگەرتىپ، بۇرىلىس كەزىندە اپاتقا الىپ كەلۋى مۇمكىن.
جانار-جاعارمايدى كوبەيتەدى
كولىك دوڭگەلەكتەرىنىڭ جەلى بىردەي بولسا جانارمايدى از جاعادى. ويتكەنى دوڭگەلەكتەردىڭ دۇرىس تەگىس اينالۋى كولىكتىڭ جىلدامدىعىنا اسەر ەتپەۋى كەرەك. ادەتتەگى كولىكتەردىڭ قىسىمى 2 پاسكالدى كورسەتىپ تۇرادى.
«گرىج» شىعۋىنىڭ الدىن الادى
كولىكپەن ۇنەمى تەگىس جولداردا ءجۇرۋ مۇمكىن ەمەس. اسىرەسە قازاقستاننىڭ جولدارىنداعى شۇڭقىرلار دوڭگەلەكتىڭ سورىنا اينالۋى ىقتيمال. بۇل اسىرەسە جۇك كولىكتەرىنە تىكەلەي قاتىستى. كولىك سالماعىنىڭ كوپتىگىنە قاراي دوڭگەلەكتىڭ جەلىن دە ارتتىرۋ كەرەك. سول كەزدە شيناڭىزدى قۇرتىپ الۋدىڭ الدىن الاسىز.