دەتەكتيۆ جانرىنداعى جازۋشىلاردىڭ ادەبي كەڭەسى قۇرىلدى

الماتى. KAZINFORM - قازاقستان جازۋشىلار وداعىنىڭ جانىنان «دەتەكتيۆ جانرى كەڭەسى» قۇرىلدى. بۇگىن ونىڭ العاشقى ءماجىلىسى ءوتتى.

جازۋشىلار وداعىنان حابارلاعانداي، جيىندا دەتەكتيۆ جانرى كەڭەسىنىڭ جۇمىس جوسپارى، ارى قاراي دامىتۋ جولدارى، كىتاپ شىعارۋ جۇمىستارى تالقىلاندى. سونداي- اق، كەڭەستىڭ ءتوراعاسى تەمىربولات احمەتوۆ كەڭەس مۇشەلەرىمەن جانە كەڭەستىڭ الداعى جوسپارلارىمەن تانىستىردى.

«دەتەكتيۆ جانرى - ەلىمىزدە كەندە قالعان جانردىڭ ءبىرى. بۇل كەڭەس دەتەكتيۆ جانرىنداعى ادەبيەتتى، وسى جانردا جازاتىن قالامگەرلەردى قولداۋ ءۇشىن قۇرىلدى. كەمەل توقايەۆتىڭ 100 جىلدىق مەرەيتويىنىڭ اياسىندا وتكەن «كەمەل قالامگەر» بايقاۋىنىڭ دەتەكتيۆ جانرى بويىنشا قالام تارتاتىن جازۋشىلارعا ىقپالى مول بولدى. وسىنداي قالامگەرلەرگە شابىت سىيلايتىن ءىس-شارالاردى كوبەيتۋىمىز كەرەك» - دەدى قازاقستان جازۋشىلار وداعىنىڭ باسقارما ءتوراعاسى مەرەكە قۇلكەنوۆ.

جيىن سوڭىندا كەڭەس مۇشەلەرى الداعى ۋاقىتتا دەتەكتيۆ شىعارمالارىنىڭ ءبىر تومدىق انتولوگياسىن شىعارۋعا كەلىستى.

اۆتور

دۋمان ارعىنگەلدى