دەرتتى ەرتە انىقتاعان دارىگەر قوسىمشا سىياقى الادى
استانا. قازاقپارات - ناۋقاستىڭ دەرتىن ەرتە انىقتاعان دارىگەر قوسىمشا سىياقى الادى. ەلدەگى مەديتسينا سالاسىندا وسىنداي جاڭالىق بار. سىياقىنى اۆتوماتتاندىرىلعان جۇيە انىقتايدى. ەگەر دارىگەردىڭ العان بالى كوپ بولسا، تابىسى دا قوماقتى بولماق.
ەندى ايماقتىق ەمحانادا جۇمىس ىستەيتىن دارىگەرلەرگە اۋرۋدى ەرتە ساتىسىندا انىقتاعانى ءۇشىن سىياقى بەرىلەدى. اۋرۋدىڭ كۇردەلىلىگى مەن دارىگەردىڭ لاۋازىمدىق مىندەتتەرىنە قاراي بونۋستىق سىياقىنىڭ دا كولەمى ارتادى.
اسەل قىدىراليەۆا، مەديتسينالىق كومەكتى ۇيىمداستىرۋ دەپارتامەنتىنىڭ باسقارما باسشىسى:
- ەرتە ساتىسىندا وكپە تۋبەركۋلەزىن انىقتاعان جاعدايدا جانە دە قاتەرلى ىسىكتەردى ەرتە انىقتاعان ايماقتىق قىزمەتكەرلەرگە ءوزى ىنتالاندىرۋ كومپونەنتتىك ۇستىنە بونۋستىق رەتىندە 1 ا ە ك- دان 5 ا ە ك- عا دەيىن ءبىر جاعدايدا ەسەپتەلىنىپ وتىرادى.
جالپى ايماقتىق اق حالاتتىلارعا بۇعان دەيىندە ىنتالاندىرۋ سىياقىسى تولەنىپ كەلەدى. ال بۇل جوبا ارقىلى تەك مەتوديكا وزگەرگەن. وعان سەبەپ ايماقتىق دارىگەرلەرگە جۇكتەلەتىن جۇكتەمە مولشەرى كوپ. ويتكەنى ايماقتاعى ءبىر دارىگەر مەن 3 مەيىربيكە ءبىر اۋداننىڭ حالقىنىڭ ديناميكالىق باقىلاۋى، ۋاقىتىلى سكرينينگتەن ءوتۋى سىندى بارلىق كەزەڭدەرىنە جاۋاپ بەرەدى.
اسەل قىدىراليەۆا، مەديتسينالىق كومەكتى ۇيىمداستىرۋ دەپارتامەنتىنىڭ باسقارما باسشىسى:
- ەمحانا قىزمەتكەرلەرىنىڭ ىنتالاندىرۋ ماقساتىندا سەبەبى ايماققا تۇسەتىن جۇكتەمە از ەمەس، 3 مەيىرگەر ءاربىر ايماقتان ءبىر ءبىر دارىگەردەن جۇمىس اتقارادى، ولاردىڭ ءارقايسىسىنا 1700 دەن حالىق تىركەلەدى كەمىندە، وسى 1700 حالىقتىڭ بارلىق وسى ايماقتا تىركەلگەن حالىقتىڭ تىكەلەي جاۋاپ بەرەتىن وسى ايماقتىق قىزمەتكەرلەر.
جالپى حالىقتىڭ ۋاقىتىلى ەم قابىلداپ، دەر كەزىندە سكرينينگتەن ءوتۋى كەز كەلگەن اۋرۋدى الدىن الا انىقتاۋىنا كومەك. جەڭىل ساتىسىندا ەم قابىلداسا، اۋرۋدى ورشىتپەيدى.
مەرۋەرت جۇماجانوۆا، مەديتسينالىق- گەنەتيكالىق كونسۋلتاتسيالار ءبولىمىنىڭ مەڭگەرۋشىسى:
- سكرينينگتەن ءوتۋ تاسىلدەرى، نەمەسە جالپى اعزانى تولىقتاي تەكسەرىستەن وتكىزۋ بۇل ءار ادام ءۇشىن ماڭىزدى. ماماندار وسى تەكسەرىس ارقىلى قانداي دا ءبىر اۋىتقۋ بولماسا قاۋىپ بارىن انىقتاپ، ارنايى ەم-دوم جاسايدى. بۇل قاتەرلى اۋرۋلاردىڭ ەرتە كەزەڭدە انىقتاۋعا كومەك.
اق حالاتتىلارعا بەرىلەتىن سىياقى اۆتوماتتاندىرىلعان ارنايى جۇيە ارقىلى ەسەپتەلەدى. ايماقتىق دارىگەرلەردىڭ ناۋقاستى قابىلداۋى، ەم قويۋى جۇيەگە تىركەلىپ، وعان بونۋستىق جانە بالدىق جۇيە بويىنشا ۇپاي قويىلادى. مۇندا ەڭ كوپ ۇپاي سانى 100، ال ءبىر ۇپاي 4,5 ايلىق ەسەپتىك كورسەتكىش بولىپ باعالانادى.
24.kz
