دۇنيەجۇزىلىك كوشپەندىلەر ويىندارىنا ۆولونتەرلەردى ىرىكتەۋ باستالدى
استانا. KAZINFORM - بيىل كۇزدە ەلوردادا وتەتىن V دۇنيەجۇزىلىك كوشپەندىلەر ويىندارىنا ۆولونتەرلەردى ىرىكتەۋ ءجۇرىپ جاتىر.
بۇل تۋرالى «استانا جاستارى» جاستار رەسۋرستىق ورتالىعىنىڭ ەرىكتىلەر قوزعالىسىن دامىتۋ ءبولىمىنىڭ مامانى ايزات ءابيبۋللا قىزى ءمالىم ەتتى.
«دۇنيەجۇزىلىك كوشپەندىلەر ويىندارىنا ۆولونتەرلەردى ىرىكتەۋ باستالدى. ولار ارنايى ساۋالناما تولتىرادى، سونىڭ نەگىزىندە ۆولونتەرلەردىڭ جاس ەرەكشەلىگى مەن وسى سالاداعى تاجىريبەسى انىقتالادى»، - دەدى ايزات ءابيبۋللا قىزى Kazinform اگەنتتىگى ءتىلشىسىنىڭ سۇراعىنا جاۋاپ بەرە تۇرىپ.
ونىڭ ايتۋىنشا، دۇنيەجۇزىلىك كوشپەندىلەر ويىندارىنا 500 دەن استام ۆولونتەر تارتىلماق.
«بۇگىندە ەلورداداعى جاستار ورتالىعىندا 6 مىڭنان استام ۆولونتەر بار. سونداي-اق، ورتالىق بازاسىندا ۆولونتەرلەر مەكتەبى جۇمىس ىستەيدى، ول جەردە ەرىكتىلەر قاتارىنا ەندى كىرگەندەرگە وسى قىزمەت بويىنشا ساباقتار وتەدى»، - دەيدى ول.
بۇعان دەيىن استانا قالاسىنىڭ اكىمى جەڭىس قاسىمبەك دۇنيەجۇزىلىك كوشپەندىلەر ويىندارىنا وراي اباتتاندىرۋ جانە كوگالداندىرۋ جۇمىستارى تۋرالى ايتقان ەدى.
ەسكە سالا كەتسەك، V دۇنيەجۇزىلىك كوشپەندىلەر ويىندارى قازاقستاندا وتەدى.
ايتا كەتەيىك، استانادا 8-14- قىركۇيەك ارالىعىندا وتەتىن دۇنيەجۇزىلىك كوشپەندىلەر ويىندارىنا 58 ەل قاتىسادى.
