دەموكراتتار ۇشاقتى سىيلىق رەتىندە قابىلداعان ترامپتى سىنعا الدى
استانا. KAZINFORM - قاتاردان ۇشاقتى سىيعا العانى تۋرالى حابارلار دەموكراتيالىق زاڭ شىعارۋشىلار تاراپىنان سىنعا ۇشىرادى، دەپ حابارلايدى The Hill.
ولار مۇنى دونالد ترامپتىڭ پرەزيدەنتتىك بيلىكتى جەكە بايۋى ءۇشىن پايدالانۋىنىڭ تاعى ءبىر مىسالى دەپ اتادى.
بىرنەشە ب ا ق- تىڭ حابارلاۋىنشا، ترامپ قاتار ۇكىمەتىنەن Air Force One ءدى (پرەزيدەنتتى تاسىمالدايتىن ا ق ش ااك ۇشاعى) الماستىراتىن Boeing 747 ۇشاعىن الادى جانە ول ترامپتىڭ وكىلەتتىگى اياقتالعاننان كەيىن بولاشاق پرەزيدەنتتىك كىتاپحانادا ساقتالادى.
وكىلدەر پالاتاسى باقىلاۋ كوميتەتىنىڭ مۇشەسى دجەيمي راسكين (مەريلەند دەموكراتى) اتالعان كەلىسىمدى «الاياقتىق» دەپ اتادى.
- ترامپ قاتاردان 300 ميلليون دوللارلىق سىيلىقتى قابىلداۋ ءۇشىن كونگرەسس رۇقساتىن الۋى كەرەك. كونستيتۋتسيا وتە انىق: كونگرەستىڭ رۇقساتىنسىز شەت ەلدەن «كەز كەلگەن تۇردەگى» سىيلىق الىنبايدى. ءتورت جىل بويى قولدانىپ، سودان كەيىن كىتاپحاناڭىزعا ورنالاستىرىلعان سىيلىق ءالى دە سىيلىق (جانە الاياقتىق) بولىپ قالادى - دەپ جازدى دجەيمي راسكين X- تەگى جازباسىندا.
سەناتور كريس مەرفي (كوننەكتيكۋت دەموكراتى) ۇشاقتى بەرۋ ماسەلەسى «قاراستىرىلىپ» جاتسا دا، بۇل ترامپ تۇسىندا امەريكانىڭ وداقتاسى بولۋ ءۇشىن ەلدەردىڭ نە ىستەۋ كەرەكتىگىن مەڭزەپ وتىر دەپ جازدى.
ءوز كەزەگىندە ترامپ دەموكراتتاردى سىنادى.
- قورعانىس مينيسترلىگى 40 جىلعى Air Force One ءدى ۋاقىتشا الماستىراتىن 747 ۇشاقتى جاريا جانە اشىق مامىلەدە تەگىن، سىيلىققا الۋ فاكتىسى وپاسىز دەموكراتتاردى الاڭداتقانى سونشا، ولار بىزدەن ۇشاق ءۇشىن ۇلكەن اقشا تولەۋدى تالاپ ەتەدى. مۇنى كەز كەلگەن ادام جاساي الادى! دەموكراتتار - الەمدىك دەڭگەيدەگى بەيباقتار!!! - دەپ جازدى دونالد ترامپ Truth Social دا.
بۇعان دەيىن ترامپ جاڭا ساۋدا كەلىسىمى جاسالعانىن مالىمدەدى.
