دەمالىس كۇندەرى كۇن جىلىنادى

استانا. KAZINFORM - كەڭ اۋقىمدى انتيسيكلوننىڭ اسەرىنەن قازاقستان اۋماعىنىڭ باسىم بولىگىندە جىلى بولادى.

تەك ەلدىڭ سولتۇستىگى مەن شىعىسىندا اتموسفەرالىق فرونتتاردىڭ وتۋىنە بايلانىستى جاۋىن-شاشىن (جاڭبىر، قار)، كوكتايعاق بولىپ، جەل كۇشەيىپ، بۇرقاسىن بولادى. رەسپۋبليكا بويىنشا تۇمان بولۋى ىقتيمال.

كۇندىز اۋا تەمپەراتۋراسى ەلدىڭ باتىسى مەن وڭتۇستىگىندە 3+…15+ گرادۋسقا دەيىن كوتەرىلەدى. ال سولتۇستىك، شىعىس جانە ورتالىق وڭىرلەردە  2- گرادۋستان 5+ گرادۋسقا دەيىن بولادى.

ايتا كەتەلىك 13-ناۋرىزدا ەلدەگى قاي جولداردا قوزعالىس شەكتەلگەنى تۋرالى جازعان ەدىك.