دەمالىس كۇندەرى اۋا رايى قانداي بولادى؟
استانا. KAZINFORM – قازگيدرومەت 26، 27-جانە 28-ساۋىرگە ارنالعان اۋا رايى بولجامىن جاريالادى.
بولجام بويىنشا اتموسفەرالىق فرونتتار وتۋىنە بايلانىستى ەلىمىزدىڭ كوپ بولىگىندە اۋا رايى تۇراقسىز بولادى، جاڭبىر جاۋىپ، نايزاعاي ويناپ، جەل سوعىپ، ءتىپتى بۇرشاق جاۋۋى مۇمكىن.
27-ساۋىردە باتىس قازاقستان، اقمولا وبلىستارىندا، 28-ساۋىردە قوستاناي، اقمولا، سولتۇستىك قازاقستان وبلىستارىندا قاتتى جاڭبىر جاۋادى.
«رەسپۋبليكانىڭ باتىسىندا، شىعىسىندا جانە وڭتۇستىك-شىعىسىندا تۇمان تۇسەدى. 26-ساۋىرگە قاراعان ءتۇنى اباي وبلىسىندا، 26-27-ساۋىردە شىعىس قازاقستان وبلىسىندا 1-3 گرادۋس ۇسىك جۇرەدى»، - دەيدى سينوپتيكتەر.
اۋا تەمپەراتۋرا قانداي بولادى؟
باتىس قازاقستاندا تۇندە اۋا تەمپەراتۋراسى 10-15 گرادۋستان 2-10 گرادۋسقا دەيىن تومەندەيدى، كۇندىز 20-27 گرادۋستان 6-14 گرادۋسقا دەيىن تومەندەيدى.
وڭتۇستىك- باتىستا تۇندە 12-20 گرادۋستان 7-15 گرادۋسقا دەيىن تومەندەيدى، كۇندىز 20-30 گرادۋس جىلى، 28-ساۋىردە 10-18 گرادۋسقا دەيىن تومەندەيدى.
سولتۇستىك-باتىستا تۇندە 10-17 گرادۋستان 7-12 گرادۋسقا دەيىن، كۇندىز 20-28 گرادۋستان 12-22 گرادۋسقا دەيىن تومەندەيدى.
سولتۇستىكتە تۇندە 5-10 گرادۋستان 10-17 گرادۋسقا دەيىن جوعارىلايدى، كۇندىز 21-28 گرادۋستان 18-23 گرادۋسقا دەيىن تومەندەيدى.
ورتالىقتا تۇنگى تەمپەراتۋرا 5-15 گرادۋستان 12-17 گرادۋسقا دەيىن وزگەرەدى، كۇندىز نەگىزىنەن 23-30 گرادۋس جىلى.
شىعىستا تۇندە 1-8 گرادۋس جىلى، سولتۇستىك- شىعىستا 1-3 گرادۋس ۇسىك بولۋى مۇمكىن، كەيىن 10-15 گرادۋسقا دەيىن جىلىنادى، كۇندىز 20-27 گرادۋستان 23-31 گرادۋسقا دەيىن كوتەرىلەدى.
وڭتۇستىكتە تۇندە 15-20 گرادۋستان 17-23 گرادۋسقا دەيىن، كۇندىز 28-33 گرادۋستان 32-37 گرادۋسقا دەيىن كوتەرىلەدى.
وڭتۇستىك-شىعىستا تۇندە 5-17 گرادۋستان 10-20 گرادۋسقا دەيىن جوعارىلايدى، كۇندىز 22-30 گرادۋستان 27-35 گرادۋسقا دەيىن كوتەرىلەدى.
