دەمالىس كۇندەرى اۋا رايى قانداي بولادى؟

استانا. KAZINFORM - قازگيدرومەت 5، 6، 7-ساۋىرگە ارنالعان اۋا رايى بولجامىن جاريالادى.

الداعى كۇندەرى قازاقستاننىڭ باسىم بولىگىندە اتموسفەرالىق فرونتتار وتۋىنە بايلانىستى اۋا رايى تۇراقسىز بولادى، نايزاعاي ويناپ، جاڭبىر جاۋادى.

5-ساۋىردە رەسپۋبليكانىڭ سولتۇستىگىندە، شىعىسىندا، ورتالىعىندا جاڭبىر مەن قار تۇرىندە جاۋىن-شاشىن، شىعىسىندا، ەلدىڭ وڭتۇستىك-شىعىسىنداعى تاۋلى ايماقتاردا جاۋىن-شاشىن جاۋادى.

قاتتى جاڭبىر 6-7-ساۋىردە ەلدىڭ باتىسىندا، سولتۇستىك-باتىسىندا، ورتالىعىندا، وڭتۇستىگىندە، وڭتۇستىك-شىعىسىندا دا بولجانىپ وتىر.

قازاقستان بويىنشا تۇمان ءتۇسىپ، جەل كۇشەيەدى، 5-ساۋىردە تۇنگى ۋاقىتتا سولتۇستىكتە، شىعىستا، ورتالىقتا كوكتايعاق بولادى.

اۋا تەمپەراتۋراسى مىناداي بولادى:

ەلدىڭ باتىسىندا تۇندە 3-8 گرادۋستان 5-12 گرادۋسقا دەيىن، كۇندىز 15-22 گرادۋسقا دەيىن كوتەرىلەدى.

وڭتۇستىك- باتىستا تەمپەراتۋرا اۋىتقيدى: تۇندە 5-10 گرادۋستان 8-13 گرادۋسقا دەيىن، كۇندىز 17-25 گرادۋستان 12-20 گرادۋسقا دەيىن بولادى.

سولتۇستىك- باتىستا تۇندە تەمپەراتۋرا 3 گرادۋس اياز 3- گرادۋس جىلىدان 2-13 گرادۋس جىلىعا دەيىن كوتەرىلسە، كۇندىز 13-20 گرادۋستان 10-18 گرادۋسقا دەيىن ازداپ تومەندەيدى.

سولتۇستىكتە تەمپەراتۋرا تۇندە 5 گرادۋس اياز-3 گرادۋس جىلىدان 0-7 گرادۋس جىلىعا دەيىن وزگەرسە، كۇندىز 8-15 گرادۋستان 13-20 گرادۋسقا دەيىن بىرتىندەپ جوعارىلايدى.

ەلىمىزدىڭ ورتالىعىندا تۇندە 5 گرادۋس اياز-2 گرادۋس جىلىدان 2-10 گرادۋسقا دەيىن، كۇندىز 8-15 گرادۋستان 10-20 گرادۋسقا دەيىن ازداپ جوعارىلايدى.

شىعىستا تۇنگى تەمپەراتۋرا 2-7 گرادۋس جىلىدان 1-8 گرادۋس ايازعا دەيىن تومەندەيدى، ال كۇندىز 5-12 گرادۋس جىلىدان 13-20 گرادۋس جىلىعا دەيىن كوتەرىلەدى.

وڭتۇستىكتە تۇندە 5-13 گرادۋستان 10-17 گرادۋسقا دەيىن، كۇندىز 18-25 گرادۋستان 17-28 گرادۋسقا دەيىن كوتەرىلەدى.

وڭتۇستىك- شىعىستا تۇندە 3-12 گرادۋس جىلى، كۇندىز 10-22 گرادۋستان 15-28 گرادۋسقا دەيىن جىلى بولادى.