دەمالىس كۇندەرى اۋا رايى قانداي بولادى؟

سينوپتيكتەر 23-25- قىركۇيەككە ارنالعان اۋا رايى بولجامىن جاريالادى.

مەتەورولوگتاردىڭ مالىمەتىنشە، الداعى كۇندەرى باتىستا، وڭتۇستىكتە، اقتوبە وبلىسىندا جانە ۇلىتاۋ وبلىسىندا جاۋىن-شاشىنسىز اۋا رايى بولجانادى.

كەزەڭنىڭ باسىندا سولتۇستىك وڭىرلەردە، قاراعاندى وبلىسىندا جاڭبىر جاۋادى، سودان كەيىن جاۋىن-شاشىن توقتايدى دەپ كۇتىلەدى. ەلدىڭ شىعىسى مەن وڭتۇستىك-شىعىسىندا جاڭبىر جاۋادى دەپ بولجانىپ وتىر. تۇندە تاۋلى ايماقتاردا جاڭبىر قارعا اۋىسۋى مۇمكىن.

«ەلدىڭ سولتۇستىگىندە، شىعىسىندا جانە ورتالىعىندا تۇنگى جانە تاڭەرتەڭگى ساعاتتاردا 2 گرادۋسقا دەيىن اياز بولادى. كۇندىز قازاقستاننىڭ باتىسىندا 25-30 گرادۋسقا دەيىن كۇن جىليدى، سولتۇستىك، وڭتۇستىك وڭىرلەردە جانە ەلدىڭ ورتالىعىندا 18-23 گرادۋسقا دەيىن اۋا تەمپەراتۋراسى كوتەرىلەدى دەپ بولجانادى، رەسپۋبليكانىڭ شىعىسىندا تەمپەراتۋرا 7-13 گرادۋسقا تومەندەيدى»، - دەلىنگەن حابارلامادا.