دەمالىس كۇندەرى اۋا رايى قانداي بولادى؟

استانا. KAZINFORM - قازگيدرومەت 11، 12، 13-ساۋىرگە ارنالعان اۋا رايى بولجامىن جاريالادى.

الداعى كۇندەرى قازاقستاننىڭ باسىم بولىگىندە سيكلوندار مەن انتيتسيكلوندار جيى الماسۋىنا بايلانىستى اۋا رايى تۇراقسىز بولادى. ەلدىڭ باتىسىندا، وڭتۇستىگىندە جاڭبىر جاۋىپ، نايزاعاي وينايدى. سولتۇستىك-باتىستا، سولتۇستىكتە، شىعىستا جانە ورتالىقتا تۇندە جاۋىن-شاشىن (جاڭبىر، قار)، كۇندىز جاڭبىر بولجانىپ وتىر.

11-ساۋىرگە قاراعان ءتۇنى ەلدىڭ شىعىسىندا قار، 11-ساۋىردە باتىسىندا قاتتى جاڭبىر، بۇرشاق جاۋادى. قازاقستان بويىنشا تۇمان تۇسەدى.