دەليدى تىعىز ءتۇتىن باسىپ، ادامدارعا ۇيدەن شىقپاۋعا كەڭەس بەرىلدى

دەلي. KAZINFORM - دەليدەگى ءتۇتىننىڭ قالىڭدىعى سونداي، سىرتتا بىرنەشە مينۋت تۇرعان ادام كۇلدىڭ ءدامىن سەزە الادى.

ءتۇرلى مونيتورينگ اگەنتتىكتەرى ۇسىنعان مالىمەت بويىنشا، دۇيسەنبى مەن سەيسەنبىدە دەليدە اۋا ساپاسى 1200-دەن 1500-گە دەيىن ناشارلاعان. ايتا كەتسەك، دەنساۋلىق ءۇشىن ءقاۋىپسىز نورما - 100-دەن اسپاۋى ءتيىس. بۇل ولشەمدەر اۋاداعى PM 2,5 جانە PM 10 قاتتى بولشەكتەردىڭ دەڭگەيىن كورسەتەدى. ۇساق بولشەكتەر وكپەگە ەنسە، كوپتەگەن اۋرۋ تۋدىرۋى مۇمكىن.

قالاداعى مەكتەپتەردىڭ كوپشىلىگى جابىلعان. بيلىك تاراپى حالىقتى ۇيدەن شىقپاۋعا شاقىردى. دەگەنمەن كۇنكورىس ءۇشىن اشىق اۋادا جۇمىس ىستەۋگە تاۋەلدى ادامدار كوشەدە جۇرۋگە ءماجبۇر. الايدا جۇگىرۋ، ءتىپتى جىلدام ءجۇرۋ مۇمكىن ەمەس، مۇندايدا كوپ ۇزاماي ادامنىڭ تىنىسى تارىلادى.

دەليلىكتەر الەۋمەتتىك جەلىلەردە بۇل جاعدايدىڭ كەيىنگى 15 جىلدا بىرنەشە رەت قايتالانعانىن جازعان.

ال «Lancet» جۋرنالى جۇرگىزگەن زەرتتەۋىندە قورشاعان ورتانىڭ لاستانۋى 2019 -جىلى ءۇندىستاندا 2,3 ميلليون استام مەزگىلسىز ولىمگە اكەلگەنىن انىقتادى.

اۆتور

گۇلنۇر عازيز قىزى