دجيۋ-دجيتسۋدەن نۇرجان باتىربەكوۆ ازيا ويىندارىنىڭ چەمپيونى اتاندى

 قىتايدىڭ حاڭجوۋ قالاسىندا ءوتىپ جاتقان ازيا ويىندارىندا قازاقستاندىق دجيۋ-دجيتسۋ شەبەرلەرى قازاقستان قورجىنىنا 3 مەدال سالدى، دەپ حابارلايدى قازاقپارات ءتىلشىسى. 

джиу-джитсу
Фото: Фото: ҚР Туризм және спорт министрлігінің баспасөз қызметі.

نۇرجان باتىربەكوۆ 69 كەلىگە دەيىنگى سالماقتا فينالدا بىرىككەن اراب امىرلىگىنىڭ وكىلى موحاممەد ال-سۋۆايديمەن كۇرەستى.

قازاقستاندىق دجيۋ-دجيتسۋ شەبەرى قارسىلاسىن 4:2 ەسەبىمەن جەڭىپ، ازيادا چەمپيونى اتاندى.

جارتىلاي فينالدا وسى سالماقتا م. ال-سۋۆايديگە ەسە جىبەرگەن تاعى ءبىر قازاقستاندىق الديار سەرىك سينگاپۋرلىق نوا ليمدى 2:0 ەسەبىمەن ۇتىپ، قولا مەدالعا قول جەتكىزدى.

سونداي-اق مانسۇر حابيبۋللا 62 كەلىگە دەيىنگى سالماقتا تاعى ءبىر قولا مەدالدى قازاقستان قورجىنىنا سالدى. ول فيلليپيندىك الەكساندەر ليمدى 6:2 ەسەبىمەن تىزە بۇكتىردى.

ەسكە سالا كەتەيىك، بۇدان بۇرىن دجيۋ-دجيتسۋدەن نۇرجان باتىربەكوۆتىڭ ازيا ويىندارىنىڭ فينالىنا شىققانىن جازعان ەدىك.

سوڭعى جاڭالىقتار