دجو بايدەن: گازاداعى قاقتىعىستى توقتاتاتىن مەزگىل جەتتى

استانا. قازاقپارات – ا ق ش پرەزيدەنتى گازا سەكتورىنداعى قاقتىعىستى توقتاتۋعا قاتىستى جاڭا جوسپار ۇسىندى، دەپ حابارلايدى 24kz.

ول 3 كەزەڭنەن تۇرادى. دجو بايدەننىڭ مالىمدەۋىنشە، ءبىرىنشى كەزەڭ 6 اپتاعا سوزىلادى. باستاپقى ەكى كەزەڭدە اتىس تولىق توقتاتىلىپ، يزرايل اسكەرى پالەستينا جەرىنەن شىعارىلىپ جانە ەكى تاراپ تۇتقىندار الماسۋى قاجەت. ءۇشىنشى، سوڭعى كەزەڭدە ا ق ش پەن حالىقارالىق قاۋىمداستىق قولداۋىمەن ايماقتى جاپپاي قالپىنا كەلتىرۋ جۇمىسى باستالادى. بۇل 3 جىلدان 5 جىلعا دەيىن سوزىلادى دەگەن بولجام بار.

دجو بايدەن، ا ق ش پرەزيدەنتى:

- شىن مانىسىندە شەشۋشى ءسات تۋىپ تۇر. يزرايل ءوز ۇسىنىسىن جاسادى. حاماس اتىستى توقتاتۋدى قالايتىنىن جەتكىزدى. ەندى حاماس مەن ۇسىنىپ وتىرعان وسى كەلىسىمدى قابىلداۋى كەرەك. سوعىستى توقتاتاتىن مەزگىل جەتتى.

بايدەن بۇل كەلىسىمدى يزرايل ۇكىمەتى قولداپ وتىر دەيدى. ال حاماس قوزعالىسى اتالعان جوسپارعا وڭ كوزقاراس تانىتاتىنىن جاريالاعان.