دۇشپانمەن كورىسۋ

استانا. قازاقپارات - ودان مەن قانشا جىل قاشتىم جانە كۇتتىم دە، ەندى مىنە ول وسىندا. تاستى سۇرلەۋمەن بار كۇشىن سالا جوعارى ورمەلەپ كەلە جاتقانىن تەرەزەدەن كورىپ تۇردىم.

قولىنداعى تاياق كومەكتەستى - شالدىڭ قولىندا قارۋ ەمەس، سۇيەنىش قانا.

اقىرى بار كۇشىمدى سارقىپ جەتىپ تىندىم: ەسىكتى ءالسىن تىقىلداتتى. قولجازبالارعا مۇڭسىز قاراي المادىم، جارتىلاي بىتكەن شيماي مەن ارتەميدوردىڭ ءتۇس كورۋ جايلى تراكتاتى - مۇلدەم قيسىنسىز كىتاپتار ەدى، ويتكەنى مەن گرەك ءتىلىن بىلمەيتىنمىن.

باسىما ءبىر كۇندى جوعالتتىم دەگەن وي ورالدى. كىلتتى بۇراۋ عانا. قوناق ماعان تارپا باس سالار دەپ قورىقتىم، الايدا ول سەنىمسىز بىرنەشە ادىم جاساپ، ىشكەن ەنگەن ساتتە تاياعىن ءتۇسىرىپ الدى، ءتىپتى، وعان كوز قىرىن سالماستان، ءال-دارمەنسىز توسەككە قۇلاي كەتتى. ۋايىم ونى ماعان كوپ رەت كەسكىندەپ بەرگەن بولاتىن، ءبىراق مەن وسى جولى ونىڭ لينكولننىڭ سوڭعى پورترەتىنەن سۋدىڭ ەگىز تامشىسىنداي اۋمايتىنىن بايقادىم. ساعات ءتىلى ءتورتتى سوقتى.

ونىڭ مەنى جاقسى ەستۋى ءۇشىن تىزەمدى بۇكتىم.

- ءبىز ۋاقىت وزگەلەر ءۇشىن عانا وتەدى دەپ ويلايمىز، ال شىن مانىسىندە ول ەشكىمدى دە ايامايدى، - دەدىم مەن. - ءبىز كەزدەستىك، ءبىراق بۇرىن بولعاننىڭ بارلىعى ەندى ەش ماعىناسىز بولىپ قالدى.

پالتوسىن شەشىپ ۇلگەردى. وڭ قولى پيدجاك قالتاسىنا سۇڭگىدى. ول ءبىر نارسەنى كورسەتىپ جاتتى. «رەۆولۆەر»، - تاۋىپ قويدىم.

وسى تۇستا ول نىعىزداپ ايتتى:

- سەن مەنى اياپ، ۇيىڭە كىرگىزدىڭ. ەندى مەنىڭ كەزەگىم، ءبىراق مەن اياۋشىلاردىڭ قاتارىنا كىرمەيمىن.

ماعان ءبىر نارسەگە بولسا دا قارسىلىق ءبىلدىرۋ كەرەك ەدى. كۇشىممەن ەلەنە قويمايتىنمىن، ءدال قازىرگى ساتتە مەن تەك ءسوز عانا قۇتقارا الاتىن-دى. ولاردى تاپتىم دا:

- ءيا، مەن ءبىر ۋاقىتتاردا بالانى رەنجىتكەنمىن، ءبىراق ەندى سەن بالا ەمەسسىڭ، ال مەن ەسالاڭ ەمەسپىن. كەلىس، بۇگىن ءوش الۋ كەشىرۋ سەكىلدى ەش قيسىنسىز ءارى كۇلكىلى.

- مەن بالا ەمەسپىن، - دەدى ول قاتالدانا، - سول ءۇشىن دە سەنى ولتىرەمىن. بۇل ءوش الۋ ەمەس، كەرىسىنشە، ادىلەتتىلىك. سەنىڭ بۇكىل سىلتاۋلارىڭ، بورحەس، - بۇل قۋلىق قانا، سەن ولىمنەن قورقاسىڭ. ءبىراق، قولدان ەش قايران جاساي المايسىڭ.

- دەگەنمەن، ءبىر نارسەنى جاساي الامىن، - دەدىم، قارسىلىق ءبىلدىرىپ.

- نە؟ - دەپ سۇرادى ول.

- ويانۋ،- دەدىم مەن.

سوسىن وياندىم.

حورحە لۋيس بورحەس

ورىس تىلىنەن اۋدارعان: فارابي ارىستانبەك
Massaget.kz