دۋبايداعى «بۋردج ءال-اراب» قوناق ءۇيى ۋاقىتشا جابىلادى

استانا. KAZINFORM - بۋردج ءال-اراب قوناق ءۇيى العاش رەت اۋقىمدى جوندەۋدەن وتەدى.

ب ا ءا- ءنىڭ سيمۆولىنا اينالعان بەس جۇلدىزدى ليۋكس ساناتىنداعى بۇل نىسان اشىلعاننان بەرى العاش رەت جاڭعىرتىلادى. جوندەۋ جۇمىستارى 18 اي بويى كەزەڭ-كەزەڭىمەن جۇرگىزىلەدى.

Jumeirah Group باس ديرەكتورى توماس مەيەردىڭ ايتۋىنشا، سوڭعى 27 جىل ىشىندە قوناق ءۇي جوعارى سەرۆيس دەڭگەيىن ساقتاپ، الەمدەگى ۇزدىك قوناقۇيلەردىڭ قاتارىندا بولدى.

- جاڭا رەنوۆاتسيا باعدارلاماسى بۋردج ءال- اراب تاريحىنداعى كەزەكتى ماڭىزدى كەزەڭدى اشادى، - دەدى ول Gulf News باسىلىمىنا.

جوبانى فرانسۋز ساۋلەتشىسى تريستان وەر باسقارادى.

ايتا كەتەيىك، بۇل باستاما تاياۋ شىعىستاعى گەوساياسي جاعدايدىڭ ليۋكس تۋريزم سەگمەنتىنە اسەرى تالقىلانىپ جاتقان كەزەڭگە تۇسپا-تۇس كەلىپ وتىر.