دۋبايدا الەمدەگى ەڭ بيىك مەترو ستانسياسى سالىنادى
استانا. KAZINFORM - دۋبايدا مەترو جەلىسىن كەڭەيتۋ جوباسى اياسىندا الەمدەگى ەڭ بيىك مەترو ستانتسياسى سالىنباق. بۇل تۋرالى ازەرتادج حابارلادى.
Dubai Creek Harbour اتتى قارقىندى دامىپ كەلە جاتقان اۋداندا ورنالاساتىن بۇل ستانتسيا Emaar Properties Station دەپ اتالادى جانە ونىڭ بيىكتىگى 74 مەترگە جەتەدى.
ازەرتادج- تىڭ شەتەلدىك اقپارات كوزدەرىنە سىلتەمە جاساپ حابارلاۋىنشا، ستانسيانى Skidmore, Owings Merrill اتتى امەريكالىق ساۋلەت بيۋروسى جوبالاعان. بۇل كومپانيا بۇعان دەيىن الەمدەگى ەڭ بيىك عيمارات - بۋردج- حاليفانىڭ دا جوباسىن جاساعان. جاڭا ستانتسيانىڭ ساۋلەتتىك شەشىمى «قيىلىسقان قاقپالار» تۇجىرىمداماسىنا نەگىزدەلگەن. ونىڭ جالپى اۋدانى 11 مىڭ شارشى مەتر جانە كۇنىنە 160 مىڭ جولاۋشىنى قابىلداي الادى.
كوك جەلى قالانىڭ كولىك قاتىناسىن جاقسارتۋعا باعىتتالعان. ول مەترونىڭ قىزىل جانە جاسىل جەلىلەرىمەن ءۇش اۋىسىمدىق ستانتسيا ارقىلى بىرىكتىرىلەدى. 2029 -جىلى پايدالانۋعا بەرىلەتىن بۇل جاڭا جەلى اكادەميالىق قالا، ال- ۆاركا، دۋباي كرەمني ءوازيسى، حالىقارالىق قالا جانە ميرديف سياقتى ماڭىزدى تۇرعىن جانە ىسكەرلىك ايماقتارعا قاتىناستى جەڭىلدەتەدى.
