دۋباي قالاسىنداعى اۋقاتتى شەتەلدىكتەر شۆەيتسارياعا قونىس اۋدارىپ جاتىر

استانا. KAZINFORM - تاياۋ شىعىستاعى شيەلەنىسكە بايلانىستى ەكسپاتتار دۋبايدى تاستاپ، قاۋىپسىزدىگى مەن بيزنەس ءۇشىن شۆەيتساريانىڭ سۋگ كانتونىنا كوشىپ جاتىر، دەپ جازدى Financial Times.

كانتوننىڭ قارجى ديرەكتورى تسۋگ حاينتس تەننلەر ا ق ش پەن يزرايلدىڭ يرانعا قارسى اسكەري وپەراتسياسى باستالعاننان كەيىن ايماققا دەگەن قىزىعۋشىلىق ايتارلىقتاي ارتقانىن اتاپ ءوتتى. ونىڭ ايتۋىنشا، بيلىك كوشۋ تۋرالى سۇرانىستاردىڭ كوبەيگەنىن بايقاعان.

سۋگ كانتونى قولايلى سالىق جۇيەسىمەن تانىمال. بۇل باي شەتەلدىكتەرگە كاسىبىن دوڭگەلەتۋگە مۇمكىندىك بەرەدى. كانتون ەلدەگى ەڭ تومەنگى سالىق ستاۆكالارىنىڭ بىرىنە يە بولعاندىقتان، ول حالىقارالىق بيزنەس ءۇشىن وتە ىڭعايلى.

كانتون شۆەيتساريانىڭ ورتالىق بولىگىندە تسيۋريح پەن ليۋتسەرن اراسىندا ورنالاسقان جانە ەلدىڭ نەگىزگى قارجىلىق جانە تەحنولوگيالىق كلاستەرىنىڭ ءبىرى. بۇل ايماقتا حالىقارالىق كومپانيالاردىڭ، سونىڭ ىشىندە شيكىزات، قارجى جانە IT سەكتورلارىنداعى باس كەڭسەلەر ورنالاسقان. سۋگ سونىمەن قاتار بلوكچەين يندۋسترياسى مەن كريپتوۆاليۋتا بيزنەسى ءۇشىن الەمدەگى جەتەكشى ورتالىقتاردىڭ ءبىرى «كريپتو اڭعارى» رەتىندە بەلگىلى. سونىمەن قاتار، ايماق جوعارى تابىس دەڭگەيىمەن جانە قىمبات جىلجىمايتىن مۇلىكپەن تانىمال.

ايتا كەتەيىك، تاياۋ شىعىس ەلدەرىندەگى تۋريزم سالاسىنىڭ شىعىنى 56 ميلليارد دوللارعا دەيىن جەتۋى مۇمكىن.