گۆينەيا شىعاناعىندا قاراقشىلار «Davide» تانكەرىنە شابۋىل جاساپ، ەكيپاجدىڭ 15 مۇشەسىن تۇتقىنعا الدى

پرەتوريا. قازاقپارات - تەڭىز قاراقشىلارى نيگەريا جاعالاۋىنداعى گۆينەيا شىعاناعىندا «Davide « تانكەرىنە شابۋىل جاساپ، ەكيپاجدىڭ 15 مۇشەسىن تۇتقىنعا الدى، دەپ حابارلايدى قازاقپارات.

تانكەر مالتا جالاۋىمەن سۇيىق حيميالىق زاتتاردى تاسىمالداپ بارا جاتقان. بۇل تۋرالى جۇما كۇنى تەڭىزدەگى قاۋىپسىزدىك ماسەلەلەرىنە مامانداندىرىلعان «Trade Winds» پورتالى حابارلادى. توعىز ادامنان تۇراتىن قارۋلى قاراقشىلار توبى 11-ناۋرىزدا تانكەرگە كوتەرىلىپ، ەكيپاجدىڭ 21 مۇشەسىنىڭ 15 ءىن تۇتقىنعا العان. ءوز كەزەگىندە Dryad Global پورتالى تانكەر كومانداسى ۋكراينا، رۋمىنيا جانە فيليپپين ازاماتتارىنان تۇراتىنىن ايتادى. قاراقشىلاردىڭ شابۋىلى كەزىندە كەمە نيگەريانىڭ ەرەكشە ەكونوميكالىق ايماعىنىڭ شىعىس شەكاراسىنان نەبارى 9 ميلدەي جەردە بولعان.