داستان مۇقاشبەكوۆ - ازيا پارا ويىندارىنىڭ چەمپيونى

قازاقستاندىق سپورتشى داستان مۇقاشبەكوۆ حاڭجوۋدا ءوتىپ جاتقان ازيا پارا ويىندارىندا جەڭىل اتلەتيكادان (يادرو) التىن مەدال يەگەرى اتاندى، دەپ حابارلايدى Kazinform ق ر تۋريزم جانە سپورت مينيسترلىگىنە سىلتەمە جاساپ.

داستاننىڭ ناتيجەسى - 15,74 مەتر.

وسى ساناتتا قازاقتاندىق يۆان زەلەزنياك 12,39 مەتر ناتيجەسىمەن قولا مەدال جەڭىپ الدى. ال ەكىنشى ورىن ب ا ءا سپورتشىسىنا بۇيىردى.

«داستاندى جارقىن جەڭىسىمەن قۇتتىقتايمىن! بۇگىن ول كاسىبي تۇرعىدا شەبەرلىگى مەن جەڭىسكە دەگەن سەنىمدىلىگىن ايقىن كورسەتتى. وعان بولاشاقتا دا جوعارى ناتيجەلەرگە قول جەتكىزۋىن تىلەيمىن»، - دەدى تۋريزم جانە سپورت ءمينيسترى ەرمەك مارجىقپايەۆ.

ايتا كەتەيىك، بۇل ازيا پارا ويىندارىنداعى قازاقستان قۇراماسىنىڭ التىنشى التىن مەدالى.