دارىگەرلەرگە قوسىمشا 1 ميلليون 700 مىڭ تەڭگەگە دەيىن تولەم بەرىلۋى مۇمكىن
استانا. KAZINFORM - دارىگەرلەردىڭ ەڭبەگىن باعالاۋ ماقساتىندا دەنساۋلىق ساقتاۋ مينيسترلىگى جاڭا ىنتالاندىرۋ تەتىكتەرىن ەنگىزىپ جاتىر. جۇمىستى ساپالى ءارى ارتىعىمەن اتقارعان مەديتسينا قىزمەتكەرلەرىنە توقسانىنا 1,7 ميلليون تەڭگەگە دەيىن قوسىمشا تولەم بەرىلۋى مۇمكىن. «JibekJoly» ارناسىنداعى «بۇگىنlive» باعدارلاماسىندا ۇلتتىق دەنساۋلىق ساقتاۋدى دامىتۋ ورتالىعىنىڭ باسقارۋشى ديرەكتورى، تەراپەۆت-دارىگەر جانار بوتاگارينا بۇعان قاتىستى پىكىر ءبىلدىردى.
ەڭ باستىسى ينديكاتورلار تولىعىمەن اۆتوماتتاندىرىلعان. ياعني، قوسىمشا قاعازباستىلىق جوق. بارلىعى رەسمي تۇردە تىركەلىپ وتىرادى. ايتا كەتەيىك، قاراجا تەك دارىگەرلەرگە عانا ەمەس، ۋچاسكەلىك مەدبيكەلەر مەن فەلدشەرلەرگە، سونىمەن قاتار، جۇكتى ايەلدەرمەن جۇمىس ىستەيتىن ايەلدەرگە دە قاراستىرىلعان.
ساراپشىلاردىڭ سوزىنشە مۇنداي تولەمدەر ەرەكشە ەڭبەك جاعدايىندا جۇمىس ىستەپ جۇرگەن مەديتسينا قىزمەتكەرلەرىن ىنتالاندىرىپ، ساپالى قىزمەت كورسەتۋگە سەرپىن بەرەدى.
- بۇنىڭ بارلىعى ەمحاناداعى دارگىلەرلەرگە قولايلى جاعداي جاساۋ ماقساتىندا قاراستىرىلعان. سەبەبى ەمحانادا ىستەيتىن مامانداردىڭ جۇمىسى فيزيكالىق ءارى پسيحيكالىق تۇرعىدا وتە اۋىر. بۇلاي دەيتىنىمىز، سوڭعى ۋاقىتتا سوزىلمالى ەمەس جانە سوزىلمالى- جۇقپالى اۋرۋ سانى كوبەيدى. ىنتالاندىرۋ كومپونەنت جۇيەسى 2011 -جىلى ەنگىزىلگەن بولاتىن. سودان بەرى بۇل جۇيە جەتىلدىرىلگەن جوق. ماسەلە بيىل تاعى دا قولعا الىنىپ وتىر. نەگىزگى ماقسات - ەمحانا قىزمەتكەرلەرىن ىنتالاندىرۋ، - دەيدى جانار بوتاگارينا.
ال جاڭا جۇيە قالاي جۇمىس ىستەيدى؟ قىزمەتكەرلەردىڭ جۇمىسى قالاي باعالانادى؟ ستۋديا قوناعى بۇعان قاتىستى بىلاي دەپ جاۋاپ بەردى.
- جالپى باعالاۋ جۇيەسىنىڭ ەڭ جوعارعى ۇپايى - 7 بال. قىزمەتكەر سونى 100 باللعا دەيىن جەتكىزۋى كەرەك. ونى قالاي جيناۋ كەرەك؟ مىسالى، ايماقتىق توپتى الايىق. ولاردىڭ وزدەرىنىڭ ۋچاسكەلىك توپتارى بولادى. تىزىمگە تەك قانا دارىگەرلەرگ عانا ەمەس مەدبيكەلەر مەن فەلدشەرلەر دە كىرەدى. ەگەر ولار ءوز اۋماعى بويىنشا جۇكتەلگەن مىندەتتەمەلەردى ۋاقىتىلى ورىنداپ، ءتيىستى تالاپتاردى تولىق ورىنداسا، قوسىمشا تولەم الۋعا مۇمكىندىك تۋادى. ال بۇل جۇمىستار تولىعىمەن اۆتوماتتاندىرىلعان. ءار قىزمەتكەردىڭ اتقارعان جۇمىسى ارنايى جۇيەدە تىركەلىپ تۇرادى. سول ارقىلى باسشىلىق ۇپايلارىن ەسەپتەيدى. ءبىرىنىشى %25 ى قانت ديابەتىمەن اۋىرتىندارعا كومەك كورسەتۋ، ەكىنشى %25 جولداما بەرۋ، ۇشىنشىدەن سول ۋچاسكەدە انا ءولىمى مەن بالا ءولىمى بولماۋ كەرەك جانە اۋديولوگيالىق سكرينينگ. جاڭا تۋعان بالالاردىڭ ەستۋ قابىلەتىن تەكسەرۋ دە %25 . سونىڭ بارلىعى 100 بال بولادى. جوعارىدا ايتىلعان ءار بال 4,5 ا ە ك-تەن (1 ا ە ك - 3932 ت گ) تۇرادى، - دەدى تەراپەۆت-دارىگەر.
ايتپاقشى، جاڭا ىنتالاندىرۋ جۇيەسى اۋىلدىق جەرلەردە ەڭبەك ەتەتىن مەديتسينا قىزمەتكەرلەرىنە دە قاتىستى. بارلىعىنا قويىلاتىن تالاپ ءبىر. تەك، بالل جيناۋ مەرزىمىندە ايىرماشىلىق بولۋى مۇمكىن.
- ءار ايماقتاعى، ءار ۋچاسكەدەگى تىركەلگەن ادام سانى مەن اۋرۋ تۇرلەرى ءارتۇرلى. ماسەلەن، ەگەر ءبىر اۋماقتا قارت كىسىىلەر سانى كوپ بولسا، تۋۋ جاسىنداعى ايەلدەر سانى كوپ بولسا، سايكەسىنشە سول ايماق كوبىرەك بال جينايدى. ال، ەندى باسقا ءبىر قۇرىلىمنىڭ ەمدەلشىلەرى از بولسا، وندا ارينە بال جيناۋ مەرزىمى ۇزاققا سوزىلادى، - دەيدى ۇلتتىق دەنساۋلىق ساقتاۋدى دامىتۋ ورتالىعىنىڭ باسقارۋشى ديرەكتورى جانار سەرىك قىزى.
ايتا كەتەيىك، بۇل جۇيە جالپى تاجىريبەلىك دارىگەرلەردىڭ مارتەبەسى كورەتۋگە جول اشادى. ءارى قىزمەت كورسەتۋ ساپاسىن ارتتىرۋعا سەرپىن بەرەدى، - دەيدى سالا ماماندارى.
بۇعان دەيىن، سوزىلمالى اۋرۋلاردىڭ الدىن العان دارىگەرلەرگە سىياقى بەرىلەتىنىن حابارلاعان بولاتىنبىز.
