دارىگەرلەر: ايىنا ءبىر رەت اشىعۋ دەنساۋلىققا پايدالى
استانا. قازاقپارات - امەريكالىق دارىگەرلەر ايىنا ءبىر رەت اشىعۋدىڭ ءوزى ادام دەنساۋلىعىنا پايدالى دەگەن تۇجىرىمداماعا كەلدى.
ولاردىڭ ايتۋىنشا، ءبىر كۇن تاماق ىشپەي، اشىققان ادامنىڭ جۇرەك-قان تامىرلارى اۋرۋلارىنا شالدىعۋ قاۋىپى 40 پايىزعا ازايادى ەكەن.
اتاپ ايتقاندا، دەمىكپەسى بار ادامدار ءۇشىن اشىعۋ ولاردا ءجيى بولاتىن ۇستامانىڭ ازايۋىنا سەپتىگىن تيگىزەدى. مامانداردىڭ پايىمىنشا، اسىرەسە اشىققان كەزدە اعزادا بولاتىن «جەڭىل» كۇيزەلىس يممۋنيتەتتىڭ جاعدايىنا وڭ اسەر ەتىپ، قاتەرلى ىسىكتىڭ پايدا بولۋىنان ساقتايدى.
امەريكالىق دارىگەرلەر ادامدارعا دەنساۋلىقتى ساقتاۋ ءۇشىن ءبىر تاۋلىك اشىقپاسا دا، تاڭعى اس پەن كەشكى استى ىشپەگەننىڭ ءوزى جەتكىلىكتى دەپ وتىر. ەڭ باستىسى، اشىققان كەزدە سۋدى كوپ ىشكەن ابزال. سەبەبى، اعزاعا قاجەتتى سۇيىقتىقتىڭ جەتكىلىكتى مولشەردە بولۋى شارت، دەپ جازادى روسبالت.
