16:42, 16 - قاراشا 2024 | GMT +5
دارىگەر قانداي ادامدارعا ەت جەۋگە بولمايتىنىن ايتتى
ليۋبەرتسى وبلىستىق اۋرۋحاناسىنىڭ گاستروەنتەرولوگى سۆەتلانا يلياشەنكو كەي ادامدار ءۇشىن قىزىل ەتتىڭ زيان ەكەنىن ايتتى، - دەپ حابارلايدى Lenta.ru.
يلياشەنكو پوداگرامەن (تۇز بايلانۋ - ەسك. ) اۋىراتىنداردى قىزىل ەتتەن مۇلدەم باس تارتۋعا شاقىردى. بۇل اۋرۋمەن اۋىراتىن ناۋقاستار ءۇشىن ەتتى كۇندەلىكتى ديەتاعا قوسۋعا بولاتىن تاۋىق، كۇركەتاۋىق نەمەسە بالىق سياقتى اق تاعامدارمەن الماستىرعان دۇرىس دەپ كەڭەس بەردى دارىگەر.
سونداي-اق گاستروەنتەرولوگ ءتىپتى ساۋ ادام دا ەتتى اپتاسىنا ءبىر-ەكى رەتتەن كوپ جەمەۋ كەرەكتىگىن اتاپ ءوتتى.
«دەسە دە قارسى كورسەتىلىمدەر بولماعان جاعدايدا بۇل ونىمنەن تولىعىمەن باس تارتۋعا بولمايدى، ويتكەنى ونىڭ قۇرامىندا تەمىر جانە ۆ دارۋمەندەرى سياقتى دەنساۋلىق ءۇشىن ماڭىزدى زاتتار دا بار»، - دەپ تۇيىندەدى يلياشەنكو.
