دانيار ەلەۋسىنوۆ شارشى الاڭعا قايتا ورالادى

استانا. قازاقپارات - All Stars Boxing كومپانياسىنىڭ باسپا ءسوز قىزمەتى تانىمال قازاقستاندىق بوكسشى دانيار ەلەۋسىنوۆتىڭ كەزەكتى جەكپە- جەگىن جاريالادى. بۇل تۋرالى Sports.kz سايتى مالىمدەدى.

- قازاقستاندىق بوكسشى، قازاقستان رەسپۋبليكاسىنىڭ ەڭبەك سىڭىرگەن سپورت شەبەرى، ازيا ويىندارىنىڭ ەكى دۇركىن چەمپيونى جانە وليمپيادا چەمپيونى دانيار ەلەۋسىنوۆ All Stars Boxing كەشىنىڭ باستى جەكپە-جەگىندە قولعاپ تۇيىستىرەدى، - دەپ حابارلادى كومپانيادان.

تۋرنير 28-قىركۇيەكتە الماتىداعى «الماتى ارەنادا» وتەدى.

ەسكە سالا كەتەيىك، ەلەۋسىنوۆ كاسىپقوي رينگتەگى سوڭعى جەكپە- جەگىن 2021 -جىلدىڭ جەلتوقسان ايىندا استانادا ارگەنتينالىق حۋان ەرنان لەالعا قارسى وتكىزىپ، تورەشىلەر ءبىراۋىزدان دانيارعا باسىمدىق بەرىپ، IBO تۇجىرىمى بويىنشا جارتىلاي ورتا سالماقتاعى تيتۋلدى جەڭىپ العان بولاتىن.