دانيا مەن شۆەتسياداعى يزرايل ەلشىلىكتەرىنىڭ جانىندا جارىلىس بولدى

استانا. KAZINFORM - دانيا پوليسياسى كوپەنگاگەندەگى يزرايل ەلشىلىگى ماڭىنداعى جارىلىسقا قاتىستى تەرگەۋدى باستادى. شۆەتسيا پوليتسياسى ءبىر كۇن بۇرىن ستوكگولمدەگى يزرايل ەلشىلىگىنىڭ جانىندا اتىس بولعانىن مالىمدەدى، دەپ حابارلايدى DW.

يزرايلدىڭ دانياداعى ەلشىلىگى ديپلوماتيالىق وكىلدىك عيماراتىنىڭ جانىندا بولعان ەكى جارىلىستان قىزمەتكەرلەرى زارداپ شەكپەگەنىن حابارلادى.

«ەلشىلىك جابىق بولدى، ەشبىر قىزمەتكەر زارداپ شەكپەدى، عيماراتقا زاقىم كەلگەن جوق»، - دەلىنگەن X الەۋمەتتىك جەلىدە جاريالانعان حابارلامادا.

بۇعان دەيىن دانيالىق DR تەلەارناسى 2-قازانعا قاراعان ءتۇنى ەلشىلىك ماڭىندا ەكى جارىلىس بولعانىن حابارلاعان.

سول كۇنى شۆەد پوليتسياسى ءبىر كۇن بۇرىن ستوكگولمدەگى يزرايل ەلشىلىگىنىڭ جانىندا اتىس بولعانىن راستادى، دەپ حابارلادى SVT تەلەارناسى.

«اتىس بولعانىن راستايتىن قورىتىندى شىعارىلدى»، - دەدى ستوكگولم پوليسياسىنىڭ وكىلى رەبەككا لاندبەرگ.

ايتۋىنشا، بۇل باقىلاۋ كامەرالارى بار جاقسى قورعالعان ايماق جانە مۇندا قاراپ شىعۋعا بولاتىن ماتەريال بار.

بۇعان دەيىن شۆەد اقپارات قۇرالدارى 1-قازان كۇنى كەشكە ستراندۆەگەن كوشەسىندەگى يزرايل ەلشىلىگىنىڭ جانىندا قاتتى جارىلىس بولعانىن حابارلاعان. «قارۋ قولدانعان جانە اينالاسىنداعىلارعا ءقاۋىپ توندىرەتىن اۋىر قىلمىس» بويىنشا الدىن الا تەرگەۋ ءجۇرىپ جاتىر.

تاياۋ شىعىستاعى جاعداي ۋشىعىپ بارادى.

بۇعان دەيىن حابارلانعانداي، يزرايل يراننىڭ 1-قازاندا جاپپاي زىمىرانمەن جاساعان شابۋىلىنا جاۋاپ قايتارۋى مۇمكىن. شابۋىل يران اۋماعىنداعى مۇناي ءوندىرۋ وبەكتىلەرىنە، اۋە قورعانىس جۇيەسىنە جانە باسقا دا ستراتەگيالىق وبەكتىلەرگە باعىتتالادى دەپ بولجانىپ وتىر.

يزرايل، يران جانە ليۆانداعى رەفەرەندۋم ۋچاسكەلەرى جۇمىسىن توقتاتتى.

يزرايل ب ۇ ۇ باس حاتشىسىن «پەرسونا نون گراتا» دەپ جاريالادى.