داۋلەت تۇرلىحانوۆ لاۋازىمدى قىزمەتىنەن ايىرىلدى
استانا. قازاقپارات - 1988-جىلعى وليمپيادا ويىندارىنىڭ كۇمىس جۇلدەگەرى داۋلەت بولات ۇلى تۇرلىحانوۆ بىرىككەن كۇرەس الەمى (UWW) ۇيىمىنىڭ بيۋرو مۇشەسى قاتارىنان رەسمي تۇردە شىعارىلدى.
داۋلەت تۇرلىحانوۆ تالاي جىل اتالعان ۇيىمنىڭ بيۋروسىنا مۇشە بولدى، ۇيىمنىڭ اتاۋى وزگەرگەندە دە (FILA نەمەسە UWW)، باسشىلىق اۋىسقاندا دا ونىڭ ورنى ساقتالىپ كەلگەن.
بۇعان دەيىن UWW- دا بيۋرو مۇشەسى ءارى ازيا كۇرەس وداعىنىڭ پرەزيدەنتى قىزمەتىن اتقارىپ كەلگەن تۇرلىحانوۆ 2024-جىلى ءبىر لاۋازىمىنان ايىرىلسا، ەندى ول باسشىلىق قىزمەتتە مۇلدە جوق.
ناۋرىز ايىندا تۇرلىحانوۆ ازياداعى لاۋازىمىنان كەتكەننەن كەيىن ونىڭ ورنىنا موحاممەد ءال-اۆامالا سايلاندى. ول 38 داۋىستىڭ 34 ءىن جيناپ، جاڭا پرەزيدەنت اتاندى. ەندى UWW بيۋروسىنداعى قازاقستاندىقتىڭ ورنىن دا ءدال وسى ءال-اۆامالا باسادى.
ايتا كەتەيىك، UWW باسشىلىعىندا پوستكەڭەستىك ەلدەردەن شىققان بىرنەشە تۇلعا بار. ولاردىڭ قاتارىنا رەسەيلىك ميحايل مامياشۆيلي (ۆيتسە- پرەزيدەنت)، وزبەكستاننان احرولدجون رۋزيەۆ (ۆيتسە-پرەزيدەنت) جانە قىرعىزستاندىق چولپون سۋلتانبەكوۆا (بيۋرو مۇشەسى) ەنگەن.
