18:44, 19 - ماۋسىم 2025 | GMT +5
د. ترامپ: يرانمەن كەلىسىمگە كەلۋگە تىم كەش
استانا. قازاقپارات – ا ق ش بيلىگى يران بويىنشا ءالى تۇپكىلىكتى شەشىم قابىلداعان جوق. بۇل تۋرالى پرەزيدەنت دونالد ترامپ اق ۇيدە وتكىزگەن جينالىس بارىسىندا مالىمدەدى. ول يران بيلىگىنىڭ كەزدەسكىسى كەلەتىنىن جەتكىزگەن.
سونداي-اق ترامپ يزرايل پارسى ەلىنىڭ يادرولىق نىساندارىن ىستەن شىعارۋعا باعىتتالعان شابۋىلداردى جاقسى ۇيىمداستىرىپ جاتقانىن ايتتى.
دونالد ترامپ، ا ق ش پرەزيدەنتى:
- بىزدە بارلىق سسەناري بويىنشا جوسپار بار. وقيعالاردىڭ قالاي وربيتىنىنە قاراپ وتىرمىز. يران كەلىسىمگە كەلەمىز دەپ اق ۇيدە كەزدەسۋگە سۇرانىپ وتىر. ءبىراق تىم كەش. مۇنى باياعىدا جاساۋى كەرەك ەدى. يرانمەن 60 كۇن بويى سويلەستىك قوي. مەن ءالى سوڭعى ساتتە شەشىم قابىلداي سالۋىم ابدەن مۇمكىن. كوپتەگەن نارسەلەر سوعىس ارقىلى شەشىلەدى.
