د. ترامپ ساۋد ارابياسىنا ساپارلاپ باردى
استانا. قازاقپارات - دونالد ترامپ تاياۋ شىعىس ەلدەرىنە 4 كۇندىك تۋرنە اياسىندا ەر-ريادقا باردى. ونى تاق مۇراگەرى حانزادا مۇحاممەد بين سالمان ءال-ساۋد قارسى العان. ولاردىڭ رەسمي كەزدەسۋى كەيىن وتپەك.
سوسىن ترامپ ا ق ش پەن ساۋديانىڭ بىرلەسكەن ينۆەستيتسيالىق كونفەرەنسياسىندا ءسوز سويلەيدى. جيىندا يلون ماسك تە ءسوز سويلەيدى دەپ جوسپارلانعان. اق ءۇي باسشىسىنىڭ اراب ەلىنە كەلۋدەگى باستى ماقساتى - ەكونوميكالىق، ينۆەستيتسيالىق جانە قورعانىس كەلىسىمدەرىن جاساۋ.
ترامپتىڭ جانىندا مەملەكەتتىك حاتشى ماركو رۋبيو، قورعانىس ءمينيسترى پيت حەگسەت، سونداي- اق BlackRock جانە Citigroup كومپانيالارىنىڭ باس ديرەكتورلارى ءجۇر. ترامپ ءارى قاراي قاتار مەن بىرىككەن اراب امىرلىكتەرىنە بارماق.
ايتا كەتەيىك، بۇل اق ۇيگە ورالعان ترامپتىڭ شەتەلگە جاساعان العاشقى اۋقىمدى ساپارى بولعالى تۇر.
24.kz
