ءزۇلفيا سۇلەيمەنوۆا قىزمەتىنەن بوساتىلدى
استانا. KAZINFORM - اقوردا ءزۇلفيا سۇلەيمەنوۆانىڭ قىزمەتىنەن بوساتىلعانىن حابارلادى.
- مەملەكەت باسشىسىنىڭ وكىمىمەن ءزۇلفيا بولات قىزى سۇلەيمەنوۆا قازاقستان رەسپۋبليكاسى پرەزيدەنتىنىڭ كەڭەسشىسى - پرەزيدەنتتىڭ حالىقارالىق ەكولوگيالىق ىنتىماقتاستىق جونىندەگى ارناۋلى وكىلى لاۋازىمىنان بوساتىلدى، - دەلىنگەن اقپاراتتا.
ءزۇلفيا بولات قىزى 1990-جىلى اقتوبە قالاسىندا دۇنيەگە كەلگەن.
2012-جىلى ل. ن. گۋميليەۆ اتىنداعى ەۋرازيا ۇلتتىق ۋنيۆەرسيتەتىن «حالىقارالىق قاتىناستار» ماماندىعى بويىنشا بىتىرگەن. 2014-جىلى ل. ن. گۋميليەۆ اتىنداعى ەۋرازيا ۇلتتىق ۋنيۆەرسيتەتىنەن حالىقارالىق قاتىناستار ماگيسترى دارەجەسىن العان. 2016-جىلدان باستاپ PhD دوكتورانتۋرا باعدارلاماسى بويىنشا ۇلتتىق ساياسي زەرتتەۋلەر ينستيتۋتىندا (GRIPS، جاپونيا) ءبىلىم الدى.
ەڭبەك جولىن 2013-جىلى باستاعان.
2014-2015-جىلدارى – ق ر پرەزيدەنتى جانىنداعى قازاقستاندىق ستراتەگيالىق زەرتتەۋلەر ينستيتۋتىنىڭ (ق س ز ي) سىرتقى ساياسات جانە حالىقارالىق قاۋىپسىزدىك بولىمىندە عىلىمي قىزمەتكەر.
2015-2017-جىلدارى بىرىككەن ۇلتتار ۇيىمىنىڭ ازيا جانە تىنىق مۇحيت ايماعى بويىنشا ەكونوميكالىق جانە الەۋمەتتىك كوميسسياسىندا قورشاعان ورتا جانە دامۋ ديۆيزيونىمەن، ەنەرگەتيكا ديۆيزيونىمەن، سونداي-اق ماكروەكونوميكالىق ساياسات جانە دامۋدى قارجىلاندىرۋ ديۆيزيونىمەن (بانگكوك، تايلاند) تىعىز قارىم-قاتىناستا جۇمىس ىستەدى.
2019-جىلى تۇركىمەنستانداعى جانە قازاقستانداعى ب ۇ ۇ دامۋ باعدارلاماسىندا، سونداي-اق ب ۇ ۇ ەسكاتو ۇيىمىنىڭ قورشاعان ورتا جانە دامۋ ديۆيزيونىندا قىزمەت اتقاردى.
2020-2021-جىلدارى – ق ر ەكولوگيا، گەولوگيا جانە تابيعي رەسۋرستار مينيسترلىگى كليماتتىق ساياسات جانە جاسىل تەحنولوگيالار دەپارتامەنتى ديرەكتورىنىڭ ورىنباسارى.
2021-2022-جىلدارى - VII سايلانعان قازاقستان رەسپۋبليكاسى پارلامەنتى ءماجىلىسىنىڭ دەپۋتاتى، حالىقارالىق ىستەر، قورعانىس جانە قاۋىپسىزدىك كوميتەتىنىڭ مۇشەسى.
2022-جىلدىڭ ناۋرىز ايىنان 2023-جىلعى قاڭتارعا دەيىن – ق ر ەكولوگيا، گەولوگيا جانە تابيعي رەسۋرستار ۆيتسە-ءمينيسترى.
2023-جىلدىڭ 4-قاڭتارىنان 1-قىركۇيەگىنە دەيىن ق ر ەكولوگيا جانە تابيعي رەسۋرستار ءمينيسترى قىزمەتىن اتقاردى.
2023-جىلعى 21-قىركۇيەكتە مەملەكەت باسشىسىنىڭ وكىمىمەن قازاقستان رەسپۋبليكاسى پرەزيدەنتىنىڭ كەڭەسشىسى - پرەزيدەنتتىڭ حالىقارالىق ەكولوگيالىق ىنتىماقتاستىق جونىندەگى ارناۋلى وكىلى لاۋازىمىنا تاعايىندالدى.
ايتا كەتەيىك، بۇعان دەيىن كۇنسۇلۋ زاكاريا قىزمەتىنەن كەتكەنى ءمالىم بولدى.
