ءومىردى ۇزارتۋدىڭ 5 جولى

استانا. قازاقپارات - شىندىعىندا، عۇمىر جاسىڭىزدى ۇزارتاتىن ءادىس-تاسىلدەر جەتىپ ارتىلارلىق. جولدارىن سۇراساڭىز، تومەننەن وقي الاسىز.

* * *

1. شايدى ءجيى ءىشىڭىز

گارۆارد اتىنداعى قوعام دەنساۋلىق ساقتاۋ مەكتەبىنىڭ ماماندارى ءار كۇنى ەڭ از دەگەندە ەكى كەسە شاي ءىشىپ وتىرۋدى كەڭەس ەتەدى. شايقۇمارلار شاي ىشپەيتىندەرگە قاراعاندا 44 پايىزعا جۇرەك اۋرۋىنا از ۇشىرايتىن بولىپ شىققان. تاجىريبەگە قاتىسقان 1900 ادام سونى راستاۋدا.

2. جۇمىسقا كوپ ۋاقىت ءبولىپ، جەتىستىككە ۇمتىلىڭىز

لايىقتى باعا الۋ مەن ەڭبەكتە ءوسىپ-ءونۋ جولى ومىرىڭىزگە ەكى جىل ارتىق ءومىر سىيلاماق. مۇنداي توقتامعا بريتاندىق ۋوريك ۋنيۆەرسيتەتىنىڭ عالىمدارى كەلۋدە. نوبەل سىيلىعىنا ۇسىنىلعان 500 گە جۋىق ادامنىڭ ءومىر ءسۇرۋ ۇزاقتىعىن زەردەلەي كەلە، ولار «قاراپايىم جاندارعا» قاراعاندا جەتىستىككە ۇمتىلعان جانداردىڭ كوپ ءومىر سۇرەتىندىگىن انىقتاعان.

3. ۋاقىتىلى ۇيىقتاڭىز

كاليفورنياداعى عىلىم ورداسىنىڭ عالىمدارى تاۋلىگىنە سەگىز ساعاتتان كوپ جانە ءتورت ساعاتتان از ۇيىقتايتىن جانداردىڭ وزگەلەردەن از ءومىر سۇرەتىن انىقتاعان. جانە مۇنداي توقتامعا جايدان-جاي كەلىپ وتىرماعان بولىپ شىقتى. ۇيقىنىڭ دۇرىس ارالىعىن انىقتاۋ ءۇشىن، ولار 32 مەن 102 جاس ارالاعىنداعى ميلليونداعان ادامداردىڭ ءومىر دەرەكتەرىنە قول سۇققان.

4. ءۇي جانۋارىن اسىراپ الىڭىز

باتىڭكە كەمىرۋ مەن ديۆان، توسەنىشتى بىلعاۋدان بوس ۋاقىتتا ءۇي جانۋارى ادامنىڭ جۇرەك تالماسىنا ۇشىراۋ ءولىم قاۋپىن سەيىلتەدى. ميننەسوتا ۋنيۆەرسيتەتىنىڭ زەرتتەۋشىلەر بۇعان كوز جەتكىزۋ ءۇشىن ون جىل بويىنا 4 مىڭعا جۋىق امەريكاندىقتىڭ ءومىرىن زەرتتەپ كەلگەن.

اق حالاتتىڭ جانداردىڭ ايتۋىنشا، ءۇي جانۋارىمەن اراداعى قارىم-قاتىناس سترەسس تۋدىراتىن بەزدەردى وسىرمەي، جۇرەك قانتامىر جۇيەسىنىڭ جاقسارۋىنا كومەكتەسەدى.

5. توڭازىتقىشقا كىرىڭىز

ماڭگى ءومىر سۇرگىسى كەلگەن جاندارعا كريونيكا ورتالىقتارى اشىلۋدا. ءبارى قاراپايىم: كومپانيامەن كەلىسىمگە قول قويىپ، 10 مىڭ - 150 مىڭ دوللار شاماسىندا قوماقتى قارجىنى تولەيسىز. مۇزدتاتقىش ىشىنە قاتىرىپ، كۇندەردىڭ ءبىر كۇنى ءجىبىتۋى مۇمكىن. ءبىر ايتا كەتەرىلىگى، قايتا جان ءبىتىرۋ (مۇزدان ارىلتۋدىڭ) تەحنولوگياسى ءالى كۇنگە جاسالىپ بىتپەگەندىكتەن، ءومىر بويىنا مۇز بولىپ قالۋ قاۋپى بار.

دايىنداعان: اكەجان داكەن

massaget.kz