ءتىلدى نەگە تازالاۋ قاجەت؟

استانا. قازاقپارات - ءتىل تازالاۋ - اۋىز قۋىسى گيگيەناسىنىڭ ماڭىزدى بولىگى. دارىگەردىڭ ايتۋىنشا، ءتىل بەتىندە تاماق قالدىقتارى مەن باكتەريالار جينالىپ، قاق تۇزىلەدى. ەگەر ونى ۋاقتىلى تازالاماسا، اۋىزدان جاعىمسىز ءيىس شىعىپ، ءدام سەزۋ قابىلەتى تومەندەۋى مۇمكىن، دەپ حابارلايدى رەسەيلىك «يزۆەستيا» باسىلىمى.

سونىمەن قاتار زياندى ميكرواعزالاردىڭ كوبەيۋى اسقازان- ىشەك جولى مەن لور-اعزالارىنا كەرى اسەر ەتۋى ىقتيمال.

مامان ءتىلدى كۇن سايىن ارنايى قىرعىشپەن نەمەسە يرريگاتوردىڭ ارنايى ساپتاماسىمەن تازالاۋدى ۇسىنادى. بۇل ءادىس زياندى باكتەريالار مەن ءتىس قاقتارىنىڭ مولشەرىن شامامەن ەكى ەسەگە دەيىن ازايتادى جانە جاعىمسىز ءيىستىڭ قارقىندىلىعىن %85 عا دەيىن تومەندەتۋى مۇمكىن.

ياعني ءتىلدى تازالاۋ تەك ەستەتيكا ەمەس، جالپى دەنساۋلىققا اسەر ەتەتىن قاراپايىم، ءبىراق ءتيىمدى ادەت.