ءتورت ءوڭىردىڭ دارىگەرلەرىنە تۇرعىنداردان شاعىم كوپ - اجار عينيات
ۇكىمەت وتىرىسىندا دەنساۋلىق ساقتاۋ ءمينيسترى اجار عينيات دەنساۋلىق ساقتاۋ جۇيەسىندەگى وزەكتى ماسەلەلەردى اتادى، دەپ حابارلايدى قازاقپارات ءتىلشىسى.
«ءبىرىنشى - مەديتسينالىق كومەكتىڭ تولىق قولجەتىمدىلىگىن قامتاماسىز ەتۋ. بۇل ماسەلەلەر بويىنشا حالىقتان شاعىمداردىڭ ەڭ كوپ سانى استانا، الماتى قالالارىنا، اقمولا، اتىراۋ وبلىستارىنا تيەسىلى ەكەنىن اتاپ وتكەن ءجون. سونىمەن قاتار، مىندەتتى الەۋمەتتىك مەديتسينالىق ساقتاندىرۋ جۇيەسىندە 3,3 ملن حالىق ساقتاندىرىلماعان كۇيىندە قالىپ وتىر. ەڭ كوپ سانى جەتىسۋ، الماتى، جامبىل وبلىستارىندا جانە شىمكەنت قالاسىندا بايقالادى»، - دەدى مينيستر.
ەكىنشىدەن، ونىڭ اتاپ وتۋىنشە، مەديتسينالىق كادرلارعا دەگەن قاجەتتىلىك تومەندەۋىنە قاراماستان ءالى دە ساقتالۋدا. بۇل كورسەتكىش قوستاناي، اقمولا، سولتۇستىك قازاقستان، تۇركىستان، باتىس قازاقستان وبلىستارىندا باسىم.
«ءۇشىنشى - مەديتسينالىق وبەكتىلەردىڭ ينفراقۇرىلىمى ءالى دە جەتكىلىكسىز. بۇگىندە 200 دەن استام اۋىلدىق ەلدى مەكەندە مەديتسينالىق وبەكتىلەر جوق. عيماراتتاردىڭ توزۋى 56، مەديتسينالىق تەحنيكامەن جاراقتاندىرۋ 50 پايىزدى قۇرايدى»، - دەدى اجار عينيات.
