ءتۇن جارىمىنان كەيىن جىلدامدىقتى اسىرعان جۇرگىزۋشىلەرگە ايىپپۇل سالىنا ما

استانا. KAZINFORM - ءى ءى م الەۋمەتتىك جەلىدە تاراعان تۇنگى ۋاقىتتا رۇقسات ەتىلگەن جىلدامدىق 66 كم/ساع بولادى دەگەن حابارلاما جالعان ەكەنىن حابارلادى.

- «00:00-دەن كەيىن رۇقسات ەتىلگەن جىلدامدىق 66 كم/ساع بولاتىنى» جونىندە تارالىپ جاتقان حابارلاما فەيك. مۇنداي وزگەرىستەر ەنگىزىلگەن جوق، - دەلىنگەن حابارلامادا

فوتو: POLICE_KZ

ەلدى مەكەندەردە جەڭىل اۆتوكولىكتەر ءۇشىن رۇقسات ەتىلگەن ستاندارتتى جىلدامدىق - 60 كم/ساعات. كامەرالار جىلدامدىقتى 70 كم/ساع جانە ودان جوعارى بولعان كەزدە عانا تىركەي باستايدى.

- تەكسەرىلمەگەن حابارلامالارعا سەنبەڭىزدەر، رەسمي اقپاراتقا جۇگىنىڭىزدەر. جول ءجۇرىسى قاعيدالارىن ساقتاپ، مۇقيات بولىڭىزدار، - دەلىنگەن ءى ءى م حابارلاماسىندا.

ايتا كەتەلىك اقىلى جولداردا جىلدامدىقتى اسىرۋ فاكتىلەرىن تىركەۋ باستالعانى تۋرالى جازعان ەدىك.