ءساۋىردىڭ باسىندا اۋا رايى قانداي بولادى؟

استانا. KAZINFORM - قازگيدرومەت 1-3-ءساۋىر ارالىعىنا ارنالعان اۋا رايى بولجامىن جاريالادى.

باريكالىق قۇرىلىمدار وزگەرۋى قازاقستاننىڭ كوپ بولىگىندەگى اۋا رايى تۇراقسىز بولۋىنا سەبەپ بولادى. جاڭبىر جاۋىپ، نايزاعاي وينايدى، سولتۇستىك جانە شىعىس ايماقتاردا تۇندە جاڭبىر قارعا ۇلاسۋى مۇمكىن.

تەك ورتالىق جانە وڭتۇستىك ايماقتاردا جاۋىن-شاشىنسىز اۋا رايى بولادى. باتىس، سولتۇستىك جانە شىعىس ايماقتاردا جەل كۇشەيەدى، تاۋلى ايماقتاردا تۇمان تۇسەدى.

«قازاقستاننىڭ كوپ بولىگىندە كۇندىزگى تەمپەراتۋرا 8-13 گرادۋستان 15-20 گرادۋسقا دەيىن كوتەرىلەدى، وڭتۇستىكتە 18-23 گرادۋستان 20-28 گرادۋسقا دەيىن، وڭتۇستىك-شىعىستا 12-20 گرادۋستان 18-23 گرادۋسقا دەيىن، شىعىستا 5-15 گرادۋس، ال باتىستا 15-25 گرادۋستان 13-22 گرادۋسقا دەيىن تومەندەۋى مۇمكىن»، - دەپ جازىلعان حابارلامادا.