ءساۋىر ايىنىڭ ەكىنشى جارتىسىندا كۇن 27 گرادۋسقا دەيىن جىليدى

استانا. KAZINFORM - كليماتتىق مالىمەتتەر بويىنشا ءساۋىر ايى قازاقستاننىڭ بارلىق اۋماعىندا كوكتەمنىڭ باستالاتىن ۋاقىتى. ءساۋىر ايىندا كۇن تەز ۇزارىپ، كۇن كوكجيەكتەن جوعارى كوتەرىلەدى. ودان ءارى كۇن جىلىنادى، دەپ حابارلايدى قازگيدرومەت.

سينوپتيكتەردىڭ بولجامىنشا، ءساۋىر ايىندا قازاقستاننىڭ بارلىق اۋماعىندا ءبىر ايداعى ورتاشا اۋا تەمپەراتۋراسى نورمادان 1-2 گرادۋس جوعارى بولادى دەپ كۇتىلۋدە.

ءساۋىر ايىندا جاۋىن-شاشىن مولشەرى رەسپۋبليكا اۋماعىنىڭ باسىم بولىگىندە نورمادان كوپ. ۇلىتاۋ، قاراعاندى، پاۆلودار وبلىستارىندا، سولتۇستىك قازاقستان، اقمولا، جامبىل، الماتى، جەتىسۋ جانە اباي وبلىستارىنىڭ باسىم بولىگىندە، قىزىلوردا، تۇركىستان وبلىستارىنىڭ سولتۇستىك-شىعىسىندا جانە شىعىس قازاقستان وبلىستارىنىڭ سولتۇستىك-باتىسىندا نورما شاماسىندا بولجانادى.

ءبىر اي ىشىندە كاسپييدىڭ وڭتۇستىگىنەن جانە رەسەيدىڭ ەۋروپالىق اۋماعىنان سيكلونداردىڭ اسەرىنەن كۇن رايىنىڭ تۇراقسىزدىعى باسىم بولادى. جەلدىڭ جىلدامدىعى سەكۋندىنا 15-20 م/س- كە دەيىن كۇشەيەدى، كەيبىر كۇندەرى ەكپىنى 23-28 م/س دەيىن (باتىستا جانە وڭتۇستىكتە شاڭدى داۋىلمەن) جەتەدى، رەسپۋبليكا بويىنشا نايزاعاي ويناپ، بۇرشاق جاۋادى.

ءساۋىر ايىنىڭ ءبىرىنشى ونكۇندىگىنىڭ باسىندا جانە ەكىنشى جارتىسىندا ق ر باسىم بولىگىندە جاۋىن-شاشىن كۇتىلەدى: جاڭبار، تۇندە جاڭبىر مەن قار جاۋۋى ىقتيمال. 3، 10-ساۋىردە اباي جانە شىعىس قازاقستان وبلىستارىندا، ونكۇندىكتىڭ سوڭىندا 8-9-ساۋىردە ەلدىڭ ورتالىعى مەن وڭتۇستىك-شىعىسىندا (ۇلىتاۋ، قاراعاندى، جامبىل وبلىستارى)، 9-ساۋىردە تۇركىستان، الماتى جانە جەتىسۋ وبلىستارىندا قاتتى جاۋىن-شاشىن بولادى دەپ بولجانۋدا. رەسپۋبليكا بويىنشا تۇمان ءتۇسىپ، ەلدىڭ سولتۇستىگىندە، شىعىسىندا، ورتالىعىندا كوكتايعاق بولادى. جاۋىن-شاشىننىڭ توقتاۋى ەلدىڭ باتىسىندا ونكۇندىكتىڭ باسىندا، رەسپۋبليكانىڭ باسىم بولىگىندە ونكۇندىكتىڭ ورتاسىندا كۇتىلەدى.

ونكۇندىكتىڭ العاشقى كۇندەرىندە رەسپۋبليكانىڭ باسىم بولىگىندە اۋا تەمپەراتۋراسىنىڭ تومەندەۋى كۇتىلەدى: سولتۇستىك-باتىستا، سولتۇستىكتە، شىعىستا، ەلدىڭ ورتالىعىندا تۇندە -2-7 گرادۋسس دەيىن، كۇندىز 3+8+ گرادۋسس دەيىن، سودان كەيىن 4-ساۋىردەن باستاپ اۋا تەمپەراتۋراسى تۇندە 0+5 گرادۋس، كۇندىز 12+20 +گرادۋس دەيىن جوعارىلايدى. ونكۇندىكتىڭ سوڭىندا تەمپەراتۋرالىق فون تۇندە 2-7 -گرادۋسقا دەيىن، كۇندىز 5+12 +گرادۋسقا دەيىن قايتا تومەندەۋى بولجانادى.

ءساۋىر ايىنىڭ باسىندا ەلدىڭ وڭتۇستىگى مەن وڭتۇستىك-شىعىسىندا اۋا تەمپەراتۋراسى تۇندە -5+3 گرادۋسقا دەيىن، كۇندىز 5+15+ گرادۋسقا دەيىن تومەندەيدى، سودان كەيىن تۇندە 3+10+ گرادۋسقا دەيىن، كۇندىز 13+23 گرادۋسقا دەيىن جوعارىلايدى دەپ بولجانۋدا. ونكۇندىكتىڭ سوڭىندا اۋا تەمپەراتۋراسى تۇندە 3+5 گرادۋسقا دەيىن، كۇندىز 7+15 گرادۋسقا دەيىن تومەندەۋى بولجانادى.

قازاقستاننىڭ باتىسىندا اۋا تەمپەراتۋراسىنىڭ نەگىزگى فونى تۇندە 2+9 گرادۋس، كۇندىز 13+20 گرادۋستى قۇرايدى.

ءساۋىردىڭ ەكىنشى جانە ءۇشىنشى ونكۇندىگىندە يران مەن ورتا ازيا اۋداندارىنان جىلى اۋا ماسسالارىنىڭ شىعارىلۋىمەن تەمپەراتۋرالىق فون جوعارىلايدى:

ەلدىڭ سولتۇستىگىندە، ورتالىعىندا جانە شىعىسىندا تۇندە 2+10 گرادۋسقا دەيىن، كۇندىز 15+25 گرادۋسقا دەيىن؛

وڭتۇستىك وڭىرلەردە جانە ق ر باتىسىندا تۇندە 7+13 گرادۋسقا دەيىن، كۇندىز 17 + 27 گرادۋسقا دەيىن.

الايدا، سۋىق اۋا رايىنىڭ قايتالانۋى بولجانادى. رەسپۋبليكانىڭ سولتۇستىك، ورتالىق جانە شىعىس ايماقتارىنداعى رەسەي اۋماعىنان سۋىق اۋا ماسسالارىنىڭ اعۋى كەزىندە تەرمومەترلەردىڭ باعاندارى تۇندە 2-7 گرادۋسقا دەيىن، كۇندىز 6+11 گرادۋسقا دەيىن، وڭتۇستىك ايماقتاردا جانە ەلدىڭ باتىسىندا تۇندە -2+7 گرادۋسقا دەيىن، كۇندىز 10+18 گرادۋسقا دەيىن تومەندەۋى مۇمكىن.